मारेगाव:येथील तालुक्यांतील प्रसिद्ध डॉक्टर एकनाथ डाखरे यांचे एकुलते पुत्र तुषार डाखरे यांचे हृदयविकाराच्या झटक्याने काल दिनांक 25 एप्रिल 2023 रोज मंगलवारला रात्री 10 वाजताच्या सुमारास निधन झाले.
तुषार एकनाथ डाखरे वय 35 वर्ष हे मारेगाव येथील डॉक्टर एकनाथ डाखरे यांचे पुत्र होते तुषार यांचे स्वतःचे मेडिकल स्टोअर्स असुन ते एका ढाब्याचे संचालक होते.तुषार यांचा मित्रपरिवार व सवंगड्याचा जमघट मारेगावात मोठ्या प्रमाणात आहे.
मंगळवारला रात्री 10 सुमारास ढाब्यावर असता त्यांना अचानक छातीत दुखु लागले.तुषार यांना उपचारार्थ वणी येथील रुग्णालयात घेऊन जात असता वाटेतच तुषार ने अखेरचा श्वास घेतला.मनमिळाऊ स्वभावाच्या तुषार यांचे अशा अवेळी जाण्याने डाखरे कुटुंबासह त्यांचे मित्र परिवारासह शहरात शोककळा पसरली आहे.
तुषार यांचे पश्चात आई, वडील, पत्नी व एक चार वर्षांचा मुलगा आहेत.त्यांच्या पार्थिवावर मारेगांव येथे आज दिनांक 26 एप्रिल 2023 रोज बुधवारला अंत्यसंस्कार करण्यात येणार आहे.