नोकरीचे आमिष पडले महागात.
विदर्भ SP न्युज मारेगांव,✍️
मारेगाव येथील एका महिलेला कंपनीत नोकरी लावून देतो म्हणून चक्क दिड लाखात विकल्याची धक्कादायक घटना घडली असून पीडित महिलेच्या आईने रामनगर(चंद्रपूर)येथील पोलीस ठाण्यात तक्रार दाखल केल्याने सदर घटना उघडकीस आली.
मारेगाव येथे एक महिला आपल्या मुलीसोबत भाड्याने राहत होती.ती मोलमजुरी करून आपला उदरनिर्वाह करायची.अशातच तिची ओळख भद्रावती येथील दोघांशी तिची ओळख झाली.त्यांनी तीला नोकरीचे आमिष दाखवले.व एका कंपनीत नोकरी लावून देतो म्हणून भद्रावती येथे बोलावले आणि रात्रीच्या सुमारास तीला मध्यप्रदेश येथे नेले.तेथे तिची दिड लाखात विक्री केली.
आपली फसवणूक झाल्याची बाब लक्षात येताच पीडितेच्या आईने 20 एप्रिल रोजी रामनगर (चंद्रपूर) येथील पोलीस ठाण्यात तक्रार दाखल केली.या तक्रारीवरून ही घटना उघडकीस आली.पीडितेस मध्य प्रदेश जिल्हा रतलाम येथील जितु माली या इसमाला दीड लाख रुपयात विक्री केल्याची खळबळजनक घटना घडली.पीडित महिलेच्या आईने चंद्रपूर शहरातील रामनगर पोलीस स्टेशन मध्ये तक्रार दाखल केल्यानंतर उघडकीस आली.महिलेच्या आईने दिलेल्या तक्रारी वरून संशयीतावर विविध कलमान्वये गुन्हे दाखल करून मारेगाव पोलीस स्टेशन कडे दि.21एप्रिल ला वर्ग करण्यात आले.
पीडितेच्या आईच्या तक्रारीनुसार आरोपी विरोधात 370,344,366,368,376 (2) (N), 506, 376 सह विविध कलमान्वय नुसार गुन्हे दाखल करण्यात आले असून या घटनेचा पुढील तपास मारेगाव पोलीस स्टेशनचे ठाणेदार राजेश पुरी यांच्या मार्गदर्शनाखाली पोलीस उपनिरीक्षक ज्ञानेश्वर सावंत व त्यांचे पथक या घटनेचा पुढील तपास करीत आहे.
