मारेगाव पोलिसांचे नागरिकांना आवाहन
सुरेश पाचभाई मारेगाव
मारेगाव तालुक्यात नायलॉन तसेच चायनीज मांजाचा वापर करू नये, असे कडक आवाहन पोलीस स्टेशन मारेगाव यांच्या वतीने करण्यात आले आहे. सुरक्षित पतंगोत्सव साजरा करण्यासाठी प्रत्येक नागरिकाने आपली जबाबदारी ओळखून नायलॉन मांजाला NO आणि सुरक्षिततेला YES म्हणावे, असे आवाहन करण्यात आले आहे.
The Maregaon Police Station has issued a strict appeal against the use of nylon and Chinese kite strings in Maregaon taluka. To celebrate a safe kite festival, every citizen is urged to recognize their responsibility and say NO to nylon kite strings and YES to safety.
नायलॉन व चायनीज मांजा अतिशय तीक्ष्ण व प्राणघातक असून यामुळे दुचाकीस्वार, पादचारी तसेच लहान मुलांच्या जीवाला गंभीर धोका निर्माण होत आहे. याशिवाय पक्ष्यांच्या गळ्याला व पंखांना गंभीर इजा होऊन अनेक पक्ष्यांचा मृत्यू होत असल्याच्या घटना घडत आहेत. नायलॉन मांजामुळे अपघात, गंभीर जखमा व जीवितहानीची अनेक प्रकरणे नोंदली गेली आहेत.
नायलॉन तसेच चायनीज मांजाची विक्री, साठवणूक, वाहतूक व वापर कायद्याने पूर्णतः बंद असून या नियमांचे उल्लंघन केल्यास संबंधितांवर कठोर कायदेशीर कारवाई करण्यात येईल, असा इशाराही पोलिसांनी दिला आहे.
यवतमाळ जिल्हा पोलीस दलाचे मार्गदर्शनाखाली ठाणेदार श्याम वानखेडे, पोलीस निरीक्षक, पोलीस स्टेशन मारेगाव यांनी तालुक्यातील नागरिकांना सुरक्षिततेच्या दृष्टीने नायलॉन मांजाचा वापर टाळण्याचे व पर्यावरणपूरक, सुरक्षित पर्यायांचा अवलंब करण्याचे आवाहन केले आहे.
