सोन्याच्या दागिन्यांसह रोख रकमेवर डल्ला.
गजानन आसुटकर मारेगाव :-शहरातील वार्ड क्रमांक 5 (ओम नगरी) येथे अज्ञात चोरट्यांनी दोन घरे फोडून एका घरातील सोन्याच्या दागिन्यांसह रोख रकमेवर डल्ला मारल्याची घटना सोमवार ला पहाटे 5 वाजताच्या सुमारास घडली. या घटनेने शहरात एकच खळबळ उडाली आहे.
मारेगाव येथील ओम नगरीत वास्तव्यास असलेल्या अनिल डाखरे हे राहतात. दि.27 मार्चचे पहाटेच्या सुमारास त्यांचे घराचा समोरील दरवाजा बाहेरून लावला.आणि मागील दाराचे कडी तोडून चोरट्यांनी आत प्रवेश केला.घरातली सदस्य झोपेत असतांना चोरट्यांनी संधी साधुन त्या रूम मध्ये महिला पाहुणी झोपलेली होती. हे सर्व गाढ झोपेत असतांना चोरट्यांनी आत प्रवेश केला.
आणि बाजुला रूम मध्ये ठेवलेली पेटी घेऊन चोरट्यांनी पोबारा केला.त्या पेटीत असलेले किमान 30 हजार रुपये रोख,सोन्याची एकदानी व कानातील डुल असे 25 हजार रुपयांच्या सोन्याच्या दागिन्यांसह रोख रकमेवर चोरट्यांनी डल्ला मारला.तसेच या चोरट्यांनी घर शेजारी असलेल्या लोहे यांचे घरी भाड्याने असलेल्या जिल्हा परिषद शिक्षक रामेश्वर राऊत यांचे खोलीचा ताला फोडून आत गेले.
मात्र खोलीत कागदपत्रांशिवाय काहीच त्या चोरट्यांचा हाती लागले नाही.भर वस्तीत हा चोरीचा प्रसंग घडल्याने मारेगावकरांच्या मनात भीतीचे वातावरण पसरलेले आहे.पोलीस प्रशासनाने रात्रीची गस्त वाढवावी अशी अपेक्षा मारेगावकर व्यक्त करीत आहेत.अज्ञात चोरट्यांन वर कलम 457,380 भादवी नुसार गुन्हा दाखल करण्यात आला असुन या प्रकरणाचा पुढील तपास ठाणेदार राजेश पुरी यांच्या मार्गर्शनाखाली जामदार आनंद अलचेवार करत आहे.
