श्री विजय महादेव काटवले यांची सर्वानुमते निवड
सुरेश पाचभाई मारेगाव
मारेगाव तालुक्यातील शिवणी धोबे येथील ग्रामविकास सहकारी सोसायटी, शिवणी धोबे (र.न. 226) यांच्या नुकत्याच झालेल्या बैठकीत श्री गजानन महाराज माध्यमिक विद्यालय, नरसाळा शाळेचे संचालक तसेच युगानंतर आश्रम शाळेचे माजी मुख्याध्यापक श्री विजय महादेव काटवले यांची बँक प्रतिनिधी म्हणून सर्वानुमते निवड करण्यात आली.
श्री काटवले हे शिक्षण व सामाजिक क्षेत्रात प्रदीर्घ अनुभव असलेले व्यक्तिमत्त्व असून त्यांच्या कार्याची दखल घेऊन सभासदांनी त्यांच्यावर हा महत्त्वपूर्ण विश्वास व्यक्त केला आहे. त्यांच्या निवडीमुळे सोसायटीच्या आर्थिक व प्रशासकीय कामकाजाला अधिक बळ मिळेल, असा विश्वास सभासदांनी व्यक्त केला.
या प्रसंगी सोसायटीचे संचालक, सभासद व ग्रामस्थ मोठ्या संख्येने उपस्थित होते. उपस्थित मान्यवरांनी श्री काटवले यांचे अभिनंदन करून त्यांच्या पुढील कार्यासाठी शुभेच्छा दिल्या.