राजुर बस स्टॉप जवळील घटना.
विदर्भ एस पि न्युज नेटवर्क:– वणी
मारेगाव ते वणी राज्य महामार्गावर राजुर बस स्थानक जवळ अज्ञात वाहनाच्या धडकेत दुचाकीस्वार गंभीर जखमी झाल्याची घटना आज दिनांक 13 सप्टेंबर 2023 रोज बुधवारला सकाळी 10 वाजताच्या सुमारास घडली.
ओम विलास भडके वय सुमारे 20 वर्षे रा.धामणी ता.मारेगांव जि.यवतमाळ असे अपघातात गंभीर जखमी झालेल्या व्यक्तीचे नाव असुन तो आज दुचाकीने काही कामानिमित्त मारेगांव येथुन वणी कडे जात होता.
दरम्यान मारेगांव ते वणी राज्य महामार्गावर राजूर बस स्थानक जवळ अज्ञात वाहनाने दुचाकीस्वाराला जबर धडक दिली व पसार झाला.यात त्यांचे दोन्ही पायाला जबर मार लागल्याची माहिती मिळाली आहे.अपघात होताच रस्त्यांनी ये-जा करणाऱ्या नागरिकांनी व स्थानिकांनी लगेच वणी पोलिसांना घटनेची माहिती दिली.
व त्याला लगेच वणी येथेल ग्रामीण रुग्णालयात उपचारासाठी दाखल केले.त्याची प्रकृती गंभीर असल्याने डॉक्टरांनी प्राथमिक उपचार करून त्याला पुढील उपचारासाठी चंद्रपूर येथे रेफर केल्याची केल्याची माहिती आहे.या प्रकरणाचा पुढील तपास वणी पोलीस करत आहे.
