– तरुण युवकाच्या आत्महत्येने समाजमन सुन्न.
विदर्भ एस पि न्युज नेटवर्क: मारेगाव,
मारेगाव तालुक्यात :-एकामागोमाग होणाऱ्या आत्महत्यांचे सत्र संपतांना दिसत नाही.काही दिवसांच्या विश्रांती नंतर पुन्हा आज आत्महत्या झाल्याने तालुका पुरता हादरून गेलेला आहे.
आज दिनांक 12 ऑक्टोंबर 2023 रोज गुरुवारला दुपारी 2 वाजताच्या सुमारास ही घटना उघडकीस आली असुन शिक्षण घेणाऱ्या एका तरुणाने हे टोकाचे पाऊल उचलल्याने परिसरात हळहळ व्यक्त होत आहे.
प्रज्वल मोहन बोढे वय अंदाजे 20 वर्षे असे गळफास घेऊन आत्महत्या केलेल्या युवकाचे नाव असुन तो मारेगाव तालुक्यातील शेवटच्या टोकावर असलेल्या आपटी येथील रहिवासी असून प्रज्वलच्या नावावर 7 एकर शेती असल्याचे समजते.आणि तो वरोरा येथे बी.कॉम.पहिल्या वर्षाला शिकत होता.तो नेहमीप्रमाणे वरोरा येथून आला.आणि आपल्या घरी आतमध्ये गेला.आईवडिलांना वाटले की तो आराम करीत असेल.पण थोडया वेळाने जाऊन बघीतले असता प्रज्वलणे घरी पंख्यासाठी स्लॅबला असलेल्या लोखंडी अँगलला नायलॉन दोराच्या सहाय्याने गळफास घेऊन आत्महत्या केल्याचे दिसले. प्रज्वलला लटकलेले पाहताच प्रथम घरच्यांना विश्वासच बसला नाही.अभ्यासात हुशार असलेल्या प्रज्वलला हा टोकाचा निर्णय घेण्याची वेळ का आली हे मात्र समजण्यापलीकडे आहे.प्रज्वलच्या आत्महत्येने समाजमन सुन्न झाले आहे.प्रज्वल याचे पश्चात आई वडील आणि एक बहीण असा आप्त परिवार आहे.मृत प्रज्वल याच्या आत्महत्येचे कारण अस्पष्ट असुन एका तरुण शेतकऱ्याने आत्महत्ये सारखे टोकाचे पाऊल उचलल्याने आपटी व परिसरात सर्वत्र हळहळ व्यक्त होत आहे.या प्रकरणाचा पुढील तपास मारेगाव येथील ठाणेदार जनार्धन खंडेराव यांच्या मार्गदर्शनात पोलीस जमादार भालचंद्र मांडवकर करीत आहेत.
