बातमी ऐका (Marathi Voice Reader)
धुळे: कौटुंबिक वादातून दारूच्या नशेत पतीने पत्नीसह तीन वर्षांच्या निष्पाप मुलाची दगडाचे ठेचून हत्या निर्घण हत्या केली. धुळ्यातील आष्टी तालुक्यात अष्टाण येथे ही भयंकर घटना घडली. नागेश ठाकरे (वय ३३) असे आरोपी पतीचे नाव असून, बाईचीबाई ठाकरे (२८) आणि मुलगा रोहित (३) अशी मृत मायलेकरांची नावे आहेत. या दुहेरी हत्याकांडामुळे धुळे जिल्ह्यात खळबळ उडाली आहे.
नेमकं घडलं काय?
मिळालेल्या माहितीनुसार, नागेश ठाकरे हा ऊसतोडीचे काम करतो. रविवारी ऊसतोडीसाठी जाण्यापूर्वी साक्री येथील आठवडे बाजारातून खरेदी करून तो पत्नीसह घरी परतत होता. तेव्हा रस्त्यातच पती-पत्नीमध्ये वाद झाला. दारूच्या नशेत असलेल्या नागेशने पत्नीच्या डोक्यात दगड घालून तिला ठार केले. त्यानंतर चिमुकल्या रोहितलाही दगडाने ठेचून मारले.
पहिलं लग्न झालं तरी दुसऱ्या तरुणीशी थाटला संसार, पहिल्या पत्नीने विवाह मंडपात घातला राडा, नाशिकमधील धक्कादायक प्रकार
या कृत्यनंतर झालेल्या पश्चातापापोटी आणि रागातून त्याने स्वतःच्या डोक्यातही दगड मारून आत्महत्येचा प्रयत्न केला. मात्र, तो जखमी अवस्थेत प्रेताशेजारीच दारूच्या नशेत पडलेला आढळला.
दरम्यान, घटनेची माहिती मिळताच पोलिसांनी तातडीने घटनास्थळी धाव घेतली. आरोपीला तातडीने धुळे येथील रुग्णालयात उपचारासाठी दाखल केले. या दुहेरी हत्याकांड प्रकरणात पोलिसांनी गुन्हा दाखळ केला असून अधिक तपास सुरू आहे.
