मारेगांव तालुका प्रतिनिधी:- सुरेश पाचभाई
[9922862184]
मारेगांव तालुक्यातील बोटोणी-खडकी ( खडकी-) मारेगाव शिवारात दिनांक 1 ते 8 ऑक्टोबर दरम्यान विद्युत खांबावरील तार चोरी गेल्याची तक्रार अतीकार्य अभियंता उप विभाग महापारेषण यवतमाळ यांनी मारेगाव पोलीस स्टेशनला दिनांक १२ ऑक्टोबर 2022 रोजी दिली होती.
तक्रारीवरून पोलीसांनी तपासाचे चक्र वेगाने फीरवित दिनांक 14 ऑक्टोबर रोजी दहेगाव व वणी येथुन चार संशयितांना अटक केली असून 8 लाख 8 हजार 317 रुपयाचा मुद्देमाल संशियीता कडून जप्त करण्यात मारेगांव पोलीसांना यश आले आहे. बोटोणी खडकी मारेगांव शिवारातील विद्युत खांबावरील ॲल्युमिनियम तार 5 हजार 616 किलो, लोखंडी खांब व ॲसेसीरीज वजन 6 हजार 530 किलो एकुण वजन 12 हजार 146 किलो असुन 95 हजार रुपये किमतीचा ऐवज अज्ञात चोरट्यांनी चोरल्याची तक्रार महा पारेषण कडुन दिनांक 12 ऑक्टोंबर 2022 रोजी देण्यात आली होती.
मारेगाव पोलीसांनी तपासाचे चक्र वेगात फीरवित व गोपनीय माहीतीच्या आधारे दहेगाव व वणी येथुन विशाल शंकर परचाके (22) दहेगाव ता. वणी, योगेश जयराम येसांबरे वणी, दादाराव चेंडकु टेकाम पेंढरी, दिलीप भाऊराव कुचनकर वणी या संशयितांना ताब्यात घेतले असून दोन्ही गुन्ह्याची कबुली दिली. महा पारेषणच्या वरील मुद्देमालापैकी संशयितांकडुन 99 कीलो ॲल्युमिनियम तार किंमत 8 हजार 317 रुपये व गुन्हातील वाहन अंदाजे कींमत रुपये 8 लाख असा एकुण 8 लाख 8 हजार ३१७ रुपयांचा मुद्देमाल जप्त करण्यात आला असुन संशयिता चा पी सी आर घेण्यात आला आहे.
पोलीस अधीक्षक तथा उप विभागीय पोलीस अधिकारी वणी यांच्या मार्गदर्शनात सहा.पोलीस निरीक्षक राजेश पुरी, पोउनि ज्ञानेश्वर सावंत, पोहेकाँ आनंद अलचेवार, सहा.पोउनी प्रमोद जिड्डेवार, नापोकाँ अफजल पठाण, रजनीकांत पाटील यांनी या कारवाई मध्ये महत्व पूर्ण कामगिरी बजावली आहे.
