मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील :- बोटोनी येथील सरपंच आणि दोन सदस्यांवर नुकताच जातपडताळणी प्रमाणपत्र वेळेत सादर न केल्यामुळे अपात्रतेची कार्यवाही करण्यात आली होती. परंतु अमरावती येथील अप्पर आयुक्त यांच्या न्यायालयात अपात्र ठरविण्यात आलेले सरपंच व दोन सदस्यानी धाव घेत आपली बाजु मांडत त्यांना अपात्रतेच्या कार्यवाही वर स्थगिती मिळविण्यास यश आले आहे.
बोटोनी येथील सरपंचा सौ. सुनीता विनायक जुमनाके यांच्यासह सौ. सुवर्णा ठक आणि अश्विनी मडावी या ग्रामपंचायत निवडणुकीत निवडून आल्या होत्या. परंतु निवडून आल्यानंतर त्यांनी जातपडताळणी प्रमाणपत्र मुदतीमध्ये सादर केले नसल्याने त्या विरोधात तक्रार दाखल करण्यात आली होती. तक्रारीच्या आधारे सरपंच आणि दोन सदस्य यांच्यावर कार्यवाही करीत अपात्र करण्यात आले.
“दरम्यान अपात्रतेच्या आव्हानाला सरपंच व दोन सदस्यांनी अमरावती येथील अप्पर आयुक्तांच्या न्यायालयात रितसर दाद मागत आपली बाजु मांडली., न्यायालयाने सदर सदस्यांची बाजु ऐकुण घेत जातपडताळणीची वस्तुस्थिती लक्षात घेऊन अपात्रतेला पुढील आदेशापर्यंत स्थगिती देण्यात आली.
सौ.सुनिता जुमनाके,सरपंच, ग्रा. पं. बोटोणी