करणवाडी जवळील घटना
गजानन आसुटकर मारेगांव,
मारेगाव तालुक्यातील करणवाडी ते नवरगाव रस्त्यावर करणवाडी गावापासून अवघ्या अर्ध्या किलोमीटर अंतरावर भरधाव वेगातील कारचे नियंत्रण सुटल्याने पलटी झाली.यात कार चालकासह बाजूला बसलेली मुलगी जखमी झाल्याची घटना आज दिनांक ३ मार्च २०२४ रोज रवीवारला दुपारी ३ वाजताचे दरम्यान घडली.
विवेक बाळकृष्ण बोरपे वय अंदाजे 31 वर्ष रा.ता.वरोरा जि.चंद्रपूर असे अपघातात जखमी झालेल्या युवकाचे नाव असुन त्याच्या सोबत कारमध्ये असलेल्या मुलीचे नाव उज्वला सुरेश शिखरे वय अंदाजे 23 वर्ष हे दोघे MH 34 AA 2273 या कारने आज दुपारी ३ वाजताचे दरम्यान ते करणवाडी मार्गे नवरगाव येथे दवाखान्यात जात होते. करणवाडी गावापासून अवघ्या अर्धा किमी अंतरावर सदर भरधाव वेगातील कारचालकाचे नियंत्रण सुटल्याने सदर कार पलटी झाल्याच्या कयास लावला जात आहे.
यामध्ये कार मधील मुलगा-मुलगी जखमी झाले आहे. रस्त्यांने ये-जा करणाऱ्या काही नागरिकांनी घटनेची माहिती मारेगांव पोलिसांनी दिली व त्यांना लगेच मारेगाव येथील ग्रामीण रुग्णालत दाखल केले. घटनेची माहिती मिळताच मारेगांव पोलीस घटनस्थळी दाखल झाले असून या प्रकरणाचा पुढील तपास मारेगांव पोलीस करत आहे.
