*रिव्हॉल्व्हर-चाकूचा धाक दाखवून डॉक्टरची केली होती लुट.
*पोलिसांनी 24 तासाच्या आत लावला लुटारुंचा शोध.
सुरेश पाचभाई मारेगांव:-तालुक्यातील नवरगाव येथील डॉक्टर प्रभास रवींद्रनाथ हाजरा(45) हे प्रॅक्टिस करून येत असताना रिव्हॉल्व्हर-चाकूचा धाक दाखवून त्यांचे कडून पैसे व दागिने घेऊन पसार झालेल्या लुटारूंना स्थानिक गुन्हे शाखा,मारेगाव पोलिस व अदिलाबाद पोलिसांच्या समन्वयातून शोध लावला असुन अदिलाबाद येथे अटक करण्यात आली.
A doctor was robbed at gunpoint with a revolver-knife.
सविस्तर वृत्त असे की.
डॉक्टर प्रभास रवींद्रनाथ हाजरा (45) हे प्रॅक्टिस करून दिनांक 13 मार्च 2023 रोज सोमवारला सायंकाळी 7:30 वाजता सुमारास नवरगाव येथून मारेगाव येथे आपल्या घरी परत येत असताना राज्य महामार्गावरील नायरा पेट्रोल पंपाजवळ अज्ञात चार लूटारूंनी त्यांची स्कुटी अडवून बंदुकीच्या व चाकूच्या धाकावर त्यांना कारमध्ये कोंबून सोन्याची अंगठी,चेन सह रोख 2.5 लाख असा ऐकुन सुमारे चार लाख रूपये कीमतीचा ऐवज लुटत डॉक्टरांणा वणी पासून काही अंतरावर सोडुन पोबारा केला होता.
पोलिसांना या घटनेची माहिती मिळताच त्यांनी तत्काळ सर्वत्र सूचना देऊन नाकेबंदी केली होती.तेलंगणा पोलिसांनी अदिलाबाद येथे नाकाबंदी केली होती त्याच वेळी लुटारूंची गाडी तेथे पोहोचली,पोलिसाचे वाहन दिसताच,हे लुटारू त्या ठिकाणावरून पळ काढला पण त्या गाडीतील दोन आरोपींना पकडण्यात पोलिसांना यश आले.व तिघेजण घटनास्थळावरून पळून जाण्यात यशस्वी झाले.अटकेतील आरोपींकडून आणखी काही गुन्हे उघडकीस येऊ शकते का,या दृष्टीने मारेगाव पोलिस,अदिलाबाद पोलिस व स्थानिक गुन्हे शाखा या तिघांच्या समन्वयातून पसार झालेल्या तिघांना झाशी येथे अटक करण्यात आली.
सध्या हे सर्व आरोपी तेलंगणा राज्यातील अदिलाबाद पोलिसांच्या ताब्यात असून तेथील न्यायालयीन प्रक्रिया पूर्ण करून या आरोपींना मारेगाव पोलिस आपल्या ताब्यात घेणार असल्याची माहिती मारेगांव पोलिसांन कडून प्राप्त झाली आहे.