हिवरा (मजरा) शेतशिवारातील घटना.
मारेगांव तालुका प्रतिनिधी:-गजनान देवाळकर
[8888721480]
मारेगाव तालुक्यात आत्महत्या रोखण्यासाठी प्रशासना कडून ठोस उपाय योजना केल्या जात नाही.तालुक्यात आत्महत्या थांबण्याचे नाव घेत नाही. हिवरा(मजरा)येथील एका 18 वर्षीय युवतीने शेतात गळफास घेऊन आत्महत्या केल्याची घटना आज दिनांक 2 जानेवारी 2023 रोज सोमवारला दुपारच्या सुमारास उघडकीस आली.
सविस्तर वृत्त असे की..
कु.प्रांजली राजू बोढे वय सुमारे 18 वर्ष असे गळफास घेऊन आत्महत्या केलेल्या युवतीचे नाव आहे.कु.प्रांजली एका कॉलेजला बारावी मध्ये शिक्षण घेत होती.वडिल शेतकरी असल्यामुळे शेतात वडिलांना ती शेतीकामात हातभार लावायची.नेहमीप्रमाणे ती आज दिनांक 2 जानेवारी 2023 रोज सोमवारला शेतात काम करण्यासाठी गेली होती.
दुपारी दोन वाजताच्या सुमारास ती बैलाला पाणी पाजून आणतो म्हणून आईवडिलां पासून काही अंतरावर दुसऱ्या शेतामध्ये गेली.काही वेळाने कुटुंबातील काही व्यक्ती सुद्धा त्या शेतात काम करण्यासाठी गेले असताना त्यांना प्रांजली ही शेतात असलेल्या झोपडीत दोराच्या सहाय्याने गळफास घेवून असल्याचे निदर्शनास आले.
नातेवाईकांनी या घटनेची माहिती मारेगाव पोलिसांना दिली.माहिती मिळताच पोलीस घटनस्थळी दाखल झाले, पंचनामा करुन शव उत्तरीय तपासणी साठी मारेगाव येथील ग्रामीण रुग्णालयात हलविण्यात आले आहे.वृत्त लिही पर्यंत आत्महत्येचे कारण कळु शकले नाही.या प्रकरणाचा पुढील तपास ठाणेदार राजेश पुरी यांचा मार्गर्शनाखाली मारेगाव पोलीस करीत आहे.
