इंडियन पेट्रोलपंपा जवळील जे.डी धाब्या समोरील घटना
गजानन आसुटकर मारेगाव,
मारेगावकडून सालेभट्टीकडे जात असलेल्या दुचाकीने पेट्रोल पंप जवळ उभ्या असलेल्या ट्रकला मागून जोरदार धडक दिली. यात दोघेही पती-पत्नी गंभीर जखमी झाले असून त्यांना मारेगाव येथे उपचार करून सेवाग्राम येथे पुढील उपचारासाठी पाठवल्याची माहिती आहे.
Two-wheeler collided with a standing truck, husband and wife serious
हिंगणघाट तालुक्यातील बोपापूर (आजनसरा )येथील रामाजी भाऊराव कोरझरे वय अंदाजे 50 आणि त्यांची पत्नी शोभा रामाजी कोरझरे वय अंदाजे 45 हे दोघेही दि.27 एप्रिलला त्यांची दुचाकी क्र. MH.34-AX 0288 ने काही कार्यानिमित्य मारेगाव तालुक्यातील सालेभट्टी येथे जात असल्याची माहिती आहे.
ते मारेगाव जवळील वणी रोडवरील इंडियन पेट्रोल पंम्प जवळ उभ्या असलेल्या ट्रक क्र. MH. 46-AR 7816 ला मागून जोरदार धडक दिली. ही घटना दि.27 ला सायंकाळी ७:३० वाजताच्याच्या सुमारास घडली.यात दुचाकीस्वार दोघेही गंभीर जखमी झाले. अपघात घडताच जनहित कल्याण संघटनेच्या सदस्यांनी त्यांना त्वरित ग्रामीण रुग्णालयात दाखल केले.
त्यांचेवर मारेगाव येथे प्राथमिक उपचार करून पुढील उपचारासाठी सेवाग्राम येथे पाठवण्यात आल्याची माहिती आहे.यासाठी मारेगाव येथील साई मित्र परिवाराने त्यांच्यासाठी रुग्णवाहिकेची व्यवस्था करून त्यांना सेवाग्राम येथे पाठवल्याची माहिती आहे.या घटनेची माहिती मिळताच मारेगाव पोलीस घटनास्थळी दाखल झाले असून या अपघाताचा पुढील तपास मारेगाव पोलीस करीत आहे.
