कुंभा येथे शेतात जात असतांना राज्य महामार्गावरील घटना
सायंकाळच्या सुमारास हाताची शस्त्रक्रिया , वणी येथे उपचाराकरिता दाखल.
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील:- कुंभा येथील दै. सकाळचे बातमीदार तथा विदर्भ सर्च न्यूज नेटवर्कचे उपसंपादक कैलास नथ्थूजी ठेंगणे यांच्या धावत्या दुचाकीवर रानडुकराने हल्ला चढवून त्यांना गंभीर जखमी केल्याची घटना आज दिनांक 28 एप्रिल 2022 रोज गुरूवारला सकाळी 10:30 वाजताचे सुमारास ईसार पेट्रोल पंप पासून काही अंतरावर राज्यमहामार्गावर ही घटना घडली.
कैलास ठेंगणे हे आज सकाळी कुंभा येथे शेतात मोपेड स्कुटीने जात असतांना राज्यमहामार्गावर करणवाडी मारेगाव च्या मधात झुडपातून सैरावैरा आलेल्या रानडुकराने थेट वाहनावरील कैलास यास जबर हल्ला चढविला. काही कळण्यापूर्वी घडलेल्या घटनेने कैलास हे खाली कोसळले.या घटनेत त्यांना हात , पायांना जबर इजा झाली.तात्काळ त्यांना प्राथमिक उपचारानंतर वणी खाजगी रुग्णालयात हलविण्यात आले.डॉक्टरांनी त्यांना हाताची शस्त्रक्रिया करण्यास सांगितले असून त्यांचेवर सायंकाळी शस्त्रक्रिया करण्यात येणार आहे.
दरम्यान , रानडुकर हल्ला व जखमी प्रकरणी वनविभाग प्रशासनास तक्रार दाखल करण्यात आली असून तात्काळ आर्थिक मदत प्रदान करण्याची मागणी पिडीताने केली आहे.
