सुदैवाने जीवितहानी टळली
शॉटसर्किट की अतिउष्णता चर्चाना उधाण
सुरेश पाचभाई मारेगाव,
मारेगाव तालुक्यातील बोटोणी ते सराटी मार्गावर आज दिनांक 23 एप्रिल 2024 रोज मंगळवारला सकाळी 11 वाजताच्या सुमारास अल्टो कारने शॉर्टसर्किटमुळे पेठ घेतली सुदैवाने यात कुठलीही जीवितहानी झाली नाही पण कार मात्र पूर्ण जळून खाक झाली आहे.
प्राप्त माहिती नुसार खंडणी येथील पवन यदुनंदन नक्षणे वय 34 वर्ष रा.खंडणी ता मारेगाव हे कारने आज सहकुटुंब बोटोनी येथे मुलाला घेऊन दवाखान्यात उपचारासाठी आले होते.तेथील दवाखान्याचे काम आटोपुन सुमारे अकरा वाजताच्या सुमारास बोटोनी ते सराटी मार्गाने परत खंडणी येथे जात असताना बोटोनी जवळच्या लाईन पोडा जवळ अचानक चालत्याकार मध्ये शॉर्टसर्किट झाले व कारला भीषण आग लागली कार चालकाने सावधगिरी बाळगत गाडी बंद करून कारच्याखाली उतरून कारमधील सर्वांना सुखरूप जागी नेले.
त्यामुळे मोठी जीवित हानी टळली असून या घटनेत मात्र कार जळून खाक झाली आहे. सदर घटनेची माहिती मारेगाव पोलिसांना मिळतात पोलीस घटनास्थळी दाखल झाले असून या प्रकरणाचा पुढील मारेगाव पोलीस करीत आहे.