पाण्या अभावी स्वच्छता गृहात दुर्गधी
पार्कींग व वाहन तळाला झुडपाचा वेढा
ज्ञानेश्वर आवारी झरी जामणी
झरी जामणी तालुक्याचे मुख्य ठिकाण म्हणून ओळख असलेल्या तहसील कार्यालयात अनेक सोई सुविधा वाणवा असून आहे.उपलब्ध भौतिक सुविधा अतिशय दुरावस्था झालेली पाहायला मिळते.१५ ऑगष्ट १९९२ मध्ये झरी तालुक्याची निर्मिती करण्यात आली. सुरुवातीला त्या ठिकाणी एकात्मता बालविकासचे कार्यालय होते.
त्यानंतर २०१० नंतर प्रशस्र इमारतीचे बांधकाम झाल्यानंतर कार्यालयात सुरु झाले आहे.या कार्यालयात हजारो नागरिक कामानिमित्त येतात.परंतु नागरिकांना पिण्याच्या पाण्याची व्यवस्था कुठेच दिसत नाही.इमारतीत खालच्या व वरच्या मजल्यावर प्रसाधन व सौच्यालाये आहे परंतु पाण्या अभावी दुर्गधी साचेली असून लोक मोकळ्या जागेचा वापर करतांना दिसतात.
शासकीय कार्यालयात खर्रा गुटखा खाण्यास बंदी असली तरी खिडक्या,पायऱ्या व भिंती पण तंबाखूच्या पिचकाऱ्या रंगलेल्या पाहायला मिळतात.वाहने उभी करण्यास स्वंतत्र जाग आहे मात्र त्या भोवती मोठमोठी झाडे व झुडपे वाढले आहेत.कार्यालयीन कर्मचारी यांचे सह कामासाठी येणारे लोक आपली वाहने मुख्य दारासमोर उभी करतात.त्याचा ये जा करणाऱ्यांना त्रास सहन करावा लागतो.त्या बाजूला असलेल्या रंगमंच असून त्याची दुरावस्था झाली आहे.
विद्यूत पुराठा खंडित झाला तर कामकाज अडू नये या साठी जनरेटरची व्यवस्था केली आहे .परंतु ते दोन तीन वर्षा पासून कायमचे बंद आहे. विद्युत पुरवठा खंडित झाला तर अनेक वेळा कामकाज होत नाही . कोतवाल बुक नक्कल ,हक्क नोंदणी,फेरफार रजिस्टर यासारखे कागदपत्रे कार्यालयात झेरॉक्स मारून देणे आवश्यक असते.मात्र येथील झेरॉक्स बंद असल्याने ही रजिस्टर बाहेरील झेरॉक्स मशीन वर नेवून काढून दिली जातात त्याचा भुर्दंड नागरिकांना सोसावा लागतो आहे.मात्र याकडे तहसील प्रशासनाच कायमच दुर्लक्ष होत असून जनतेची मात्र गैरसोय होत आहे .
