आत्महत्येचे कारण अस्पष्ट
मारेगाव तालुका प्रतिनिधी:- प्रमोद रा. मेश्राम
मारेगाव तालुक्यातील मजरा येथील एका 28 वर्षीय अविवाहित तरुणाने स्वतःचा राहत्या घरी विषारी कीटकनाशक प्राशन केल्याची घटना काल दिनांक 14 ऑक्टोबर 2024 रोज सोमवारला दुपारच्या सुमारास घडली. त्याच्यावर चंद्रपूर येथे उपचार सुरू होते. परंतु उपचारादरम्यान त्याचा मृत्यू झाला.
कीटकनाशक प्राशन करून आत्महत्या केलेल्या तरुणाचे नाव अमर विजय किनाके वय सुमारे 28 वर्ष रा.मजरा ता.मारेगाव असे आहे. अमर हा आपल्या आई सोबत मजरा येथे मामाच्या गावाला राहायचा. त्याचे वडील मारेगाव तालुक्यातीलच मुक्टा येथे राहतात असल्याची माहिती मिळाली आहे.
काल दिनांक 14 ऑक्टोबरला अमर हा गावामध्ये असताना त्याने विषारी कीटकनाशक प्राशन केले. सुरुवातीला ही घटना कोणाच्याही लक्षात आली नाही.पण काही वेळाने त्याची तब्येत खराब होत चालल्याने कुटुंबातील काही सदस्यांच्या ही गोष्ट लक्षात आल्यानंतर त्याला लगेच मारेगाव येथील ग्रामीण रुग्णालयात दाखल करण्यात आले. तिथे त्याचेवर प्राथमिक उपचार करून त्याला पुढील उपचारासाठी चंद्रपूर येथे पाठवण्यात होते.पण त्याची चंद्रपूर येथे उपचारादरम्यान प्राणज्योत मालवली. अमर याचे पश्चात आई वडील आणि एक विवाहित बहीण असा आप्त परिवार आहे.