कोसारा शिवारात महसूल विभागाची धडाकेबाज कारवाई
सुरेश पाचभाई मारेगाव
मारेगाव : चंद्रपूर जिल्ह्यातून रेतीची अवैध उत्खनन करून तालुक्यातील कोसारा येथील रोडवरुन वाहतूक करणाऱ्या दोन ट्रकवर मारेगाव महसूल विभागाने धडक कारवाई केली.ही कारवाई आज दि.20 जुलै 2025 रोज रविवारला सायंकाळी 6 वाजताच्या दरम्यान करण्यात आली.
चंद्रपूर जिल्ह्यातून अवैधरित्या रेती उत्खनन करून ट्रॅक द्वारे मारेगाव तालुक्यातील कोसारा येथील रोडवरुन अवैध वाहतूक होत असल्याची माहिती मारेगाव तहसीलदार यांना मिळाली.त्यांनी सापळा रचित कोसारा शिवारातील रस्त्यावर रेतीने भरलेल्या दोन ट्रक अवैध वाहतूक करीत असताना पकडले ही कारवाई उपविभागीय अधिकारी वणी नितीनकुमार हिंगोले यांचे मार्गदर्शनाखाली तहसीलदार उत्तम निलावाड यांनी केली.
यावेळी ग्राम महसूल अधिकारी प्रविण उपाध्याय, बी एन धोटे, महसूल महसूल सहाय्यक प्रशांत ढंगारे,सेवक दिलीप पचारे,अमित येवले यांनी मोठ्या शिताफीने रेतीची अवैध वाहतूक करीत असलेले दोन ट्रक संयुक्तपणे पकडून तहसील कार्यालय मारेगांव चे परिसरात लावण्यात आलेला आहे. ह्या कारवाईमुळे अवैध रेती व्यावसायिकांमध्ये भीतीचे वातावरण पसरलेले आहे.
