मारेगांव तालुका प्रतिनिधी:-गजनान देवाळकर
[8888721480]
मारेगांव: कला व क्रीडा संवर्धन मंडळ जी. प. यवतमाळ यांच्या वतीने घेण्यात आलेल्या आंतरशालेय क्रीडा स्पर्धामध्ये हटवांजरी येथील विद्यार्थ्यांनी प्रथम क्रमांक पटकावत तालुक्याच्या शिरपेचात एक मानाचा तुरा रोवला.या त्यांच्या यशाने हटवांजरी शाळेचे सर्वत्र कौतुक होत आहे.
दिनांक ६ फेब्रुवारी २०२३ ते ८फेब्रुवारी २०२३ दरम्यान नेहरू स्टेडियम यवतमाळ येथे खेळ, कला व क्रिडा संवर्धन मंडळ जि.प. यवतमाळ यांच्या विद्यमाने वयोगट ६ ते ११ व ११ ते १४ अंतर्गत शालेय विदयार्थ्याचे विविध खेळ घेण्यात आले. यामध्ये पंचायत समिती मारेगाव अंतर्गत जि.प. उच्च प्राथ. शाळा हटवांजरी शाळेतील वयोगट ११-१४ मुलींची कबड्डी खेल जिल्हास्तरावर अंतिम विजतेपद पटकाविले.
विजयी संघाला हिरो कंपनीच्या ९ सायकल बक्षीस स्वरूपात मिळणार असुन या यशाचे श्रेय विद्यार्थीने तालुका गटशिक्षणाधिकारी नरेंद्र कांडूरवार, विस्तार अधिकारी जानरावनी शेडमाके, मुख्याध्यापक मोहन ठाकरे,मनोज लांजेवार केंद्रप्रमुख,सुरेश आत्राम,वासुदेव आत्राम,गजानन नरवाडे व सुरेश आत्राम तसेच सर्व शाळा व्यवस्थापन समिती यांना देत आहे.