वडगांव रीट जंगला जवळील शेतशिवारातील घटना.
पशुधन पालकाची नुकसान भरपाईची मागणी.
मारेगांव तालुका प्रतिनिधी:- सुरेश पाचभाई
[9922862184]
मारेगाव:-तालुक्यातील डोंगरगांव (वडगांव रीट) येथील जंगला जवळील शेतशिवारातील ही घटना आज दिनांक 1 ऑक्टोंबर 2022 रोज शनिवारला सायंकाळी 5 वाजताच्या सुमारास ही घटना उघडकीस आली आहे.शेतकऱ्यांची शेतकामाची जोमाने लगबग सुरू होताच पुन्हा एकदा परिसरात वाघाने एंट्री केल्याने शेतकरी शेतमजूरात भीतीचे वातावरण निर्माण झाले आहे.सध्या डोंगरगांव , वेगाव,परिसरातील शेतशिवारात कपाशीचे निंदण व खुरणीचे व फवारणीचे,कामे जोमाने सुरू आहे.
त्यातच डोंगरगांव येथील शेतकरी बाबाराव मारोती काकडे यांच्या मालकीचा गोरा हा डोंगरगांव जवळील वडगांव रीट हद्द मारेगाव तालुक्यातील जंगला जवळील पडीक शेतशिवारात गुराखी नेहमी प्रमाणे पशुधन घेवुन चराईसाठी गेला होता.अशातच दबा धरुन बसलेल्या वाघाने गोऱ्यावर हल्ला चढवून जागीच ठार केल्याची घटना दिनांक 1ऑक्टोंबर 2022 रोज शनिवारला सायंकाळी 5 वाजताच्या सुमारास गुराखी जंगला जवळील शेतात जनावरे चारत असताना वाघाने हल्ला केला व गोऱ्याला ओढत नेत ठार केल्याचे निदर्शनास येताच घटना उघडकीस आली.
गुराख्याने पशुधन मालकाला या घटनेची माहिती दिली.माहिती मिळताच पशुधन मालकाने त्वरीत वन विभागाला घटनेच्या संदर्भात माहिती दिली. बातमी लिहीपर्यंत वन विभागाचे कर्मचारी घटनास्थळी दाखल झाले नव्हते. शेतकरी पशुधन मालक बाबाराव मारोती काकडे यांच्या मालकीचा गोरा असल्याची सूत्रान कडून माहिती प्राप्त झाली आहे.गोऱ्याचा वाघाने पडशा पडल्याने शेतकऱ्याचे मोठे नुकसान झाले आहे. वाघाच्या हल्ल्यात गोरा ठार झाल्यामुळे लवकरात लवकर नुकसान भरपाई द्यावी अशीही मागणी.
शेतकरी व पशुपालक बाबाराव मारोती काकडे यांनी केली आहे. सुमारे 20 दिवसा आधी पण चोपणे यांची एका कालवडीचा वाघाने फडशा पाडला होता.त्या मुळे शेतकऱ्यांत भीतीचे वातावरण निर्माण झाले आहे.परिसरात शेतीचे काम जोमाने सुरू आहे.वन विभागाने त्वरित वाघाचा बंदोबस्त करावा असे नागरिकांकडून बोलल्या जात आहे.
