नीधी उपलब्ध करून देण्यासाठी खासदार धानोरकर यांना निवेदन
ज्ञानेश्वर आवारी झरी जामणी
झरी जामणी :- प्रधानमंत्री आवास योजनेअंतर्गत अनेक लाभार्थ्यांना घरकुल बांधकाम साठी मंजूरी मिळाली .मात्र बांधकाम करूनही बांधकामाचे हप्ते मिळत नसल्याने अनेकाचे घरकुलाचे काम अर्धवट असल्याने लवकरात लवकर नीधी उपलब्ध करून देण्याची मागणी लाभार्थ्याकडून करण्यात आली आहे.
भेंडाळा गावातील लाभार्थ्यांना पीएम आवास योजना अंतर्गत घरकुल मंजूर झाले.लाभार्थ्यांनी आपले जुने घर मोडून नवीन घरकुलाचे बांधकाम सुरू केले पायाभरणी केली आहे.परंतु झालेल्या बांधकामाचा हप्ता न मिळाल्याने पुढील बांधकाम रखडले आहे.राहते घर पाडल्याने संसार उघड्यावर थाटला आहे.
अनेकदा पंचायत समिती कार्यालयात चक्र मारून ही न्याय मिळत नसल्याने तात्काळ निधी उपलब्ध करून देण्याची मागणी खासदार प्रतिभा धानोरकर यांना दिलेल्या निवेदनातून करण्यात आली आहे.निवेदन देते वेळी मारोती गिरसावळे ,महादेव झाडे,संजय ताजने,महेश पूदरवार,संदिप कोल्हे,प्रतिभा रोगे,विद्या पानघाटे , वैशाली तुराणकर ,सुनिता डाखरे,विठ्ठल पोल्हे हे घरकुल लाभार्थी उपस्थित होते .
