प्रमोद रा. मेश्राम मारेगाव,
मारेगाव तालुक्यातील नरसाळा येथील एका युवकाने दि. 25 सप्टेंबरला शेतात जाऊन विषारी कीटकनाशक प्राशन केले होते. त्याचेवर चंद्रपूर येथे उपचार सुरु असतांनाच त्या व्यक्तीचा मृत्यू झाला. आत्महत्या केलेल्या व्यक्तीचे नाव शैलेंद्र सोनबाजी उईके वय ४२ वर्ष रा. नरसाळा असे आहे.
शैलेंद्र हा बुधवार दि.२५ सप्टेंबर २०२४ ला सकाळी शेतात जातो असे सांगून गेला.शेतात गेल्यावर कपाशीवर फवारणीसाठी ठेवलेले तणनाशक औषध प्राशन केले.कीटकनाशक प्राशन केल्याची माहिती त्याने आपल्या नातेवाईकाला दिली.माहिती मिळताच नातेवाईकांनी लगेच त्याला मारेगाव येथील ग्रामीण रुग्णालय दाखल केले.
तेथे त्यांच्यावर प्राथमिक उपचार करून त्याला पुढील उपचारासाठी चंद्रपूर येथील शासकीय ग्रामीण रुग्णालयात दाखल करण्यात आले होते. त्याच्यावर चंद्रपूर येथे उपचार सुरु असतांनाच काल दि. २६ सप्टेंबर २०२४ रोज गुरुवारला अंदाजे ४:१६ ला उपचारादरम्यान त्याची प्राणज्योत मावळली.बातमी लिये पर्यंत त्याच्या आत्महत्येचे कारण कळू शकले नाही.त्याला आई,पत्नी व दोन मुली असा त्यांचा आप्त परिवार आहेत.