राजीव महाविद्यालयात महिला सुरक्षा संवाद कार्यक्रम संपन्न
ज्ञानेश्वर आवारी झरी जामणी,
झरी जामणी:-महाराष्ट्र विधी सेवा आणी जिल्हा विधी सेवा प्राधीकरण अंतर्गत तालुका विधी सेवा समिती द्वारे दि.२१.०९.२४ रोजी सकाळी ९.३० वाजता झरी येथील राजीव कला,वाणीज्य व विज्ञान महाविद्यालयात महिला सुरक्षा संवाद कार्यक्रम घेण्यात आला होता.
सदरहु कार्यक्रमाचे अध्यक्ष दिवाणी न्यायाधीश एस.एस.काळे व प्रमुख पाहुणे म्हणून सहाय्यक सरकारी अभियोक्ता पि.डी.कपुर,ॲड डि.व्हि.काटकर, ॲड व्हि.आर मदीकुंटावार,ॲड.आर.एम. बोथले तसेच महाविद्यालयाचे प्राचार्य डॉ.एन.ए. कोरपेनवार,डॉ.व्हि.एन.पाईलवार होते.
कार्यक्रमात प्रमुख पाहुणे ॲड.काटकर यांनी शालेय शिक्षण व महाविद्यालयीन शिक्षण तदनंतर गर्भनिदान चाचणी,कामाच्या ठिकाणी होणारे महीलांवरील लैंगिक छळ याबाबत मार्गदर्शन केले आहे ॲड.मदीकुंटावार यांनी विद्यार्थी अवस्थेत स्वतः बद्दल आत्मविश्वास कसा निर्माण करायचे याबाबत मार्गदर्शन केले तसेच ॲड.बोथले यांनी महिलांवरील अन्याया बाबत बी.एन.एस.मधील नविन कलमांबाबत मार्गदर्शन केले.
अध्यक्ष एस.एस.काळे दिवाणी न्यायाधीश यांनी महिला सुरक्षा संवाद अंतर्गत बाल लैंगिक अत्याचार प्रतिबंधक कायदा, मनोधैर्य योजना, महाराष्ट्रात बळी पडलेल्यांना नुकसान भरपाई योजना विषयी सविस्तर मार्गदर्शन केले आहे.कार्यक्रमाला न्यायालयीन कर्मचारी शिरसाट,तिरपुडे,पौनीकर,जुनघरे ,बेरेवार तसेच महाविद्यालयातील प्राध्यापक वर्ग व विद्यार्थ्यांनी हजर होते.
