अरुंद व एकदम चढ रस्ता ठरताहेत वाहतुकीस अडथळा
तालुका प्रतिनीधी :-झरी (जामणी) ज्ञानेश्वर आवारी
[88059 79173]
झरी जामणी :- तालुक्याला जोडणारा वणी घोन्सा – झरी अंतर 38 की.मी सर्वात शॉर्टकट मार्ग आहे . जुनोनी चा घाट जडवाहतुकी साठी अडचण ठरत आहे. सिमेंट, खत, रेती, विटा, गिट्टी, धान्य या वस्तू व बांधकाम साहित्य जड वाहतूक करणारे ट्रक्टर, पिकअप, ट्रक या घाटावर चढत नसल्याने या मागार्ने वाहतूक करणे टाळत आहे . बरेचदा चढणारे वाहने मागे येत असल्याने मागे असणाऱ्या वाहनास धोका होण्याची शक्यता आहे .
अजुनही बरेच वेळा काही
वाहनाने चढत नसल्याने गिट्टी, रेती अर्धी गाडी खाली करून नेताना पाहयाला मिळतात. त्यामुळे रस्त्यावर टाकलेल्या वस्तूमुळे वाहतुकीस अडथळा निर्माण होत आहे . विशेषता या ठिकाणी रस्ता निरुंद असून चढणाऱ्या वाहनास विरुद्ध दिशेने येणाऱ्या वाहनांची अडचण निर्माण होऊन गती कमी झाल्याने चढणाऱ्या वाहणास चढणे कठीण जाते आहे .
बऱ्याच वेळा बस चढत नसून प्रवाशांना खाली उतरून धक्का मारण्याची पाळी अनेकदा आली आहे. या घाटामुळे वणी घोन्सा वरून झरी जड वाहतूक करणाऱ्या वाहनाला कायर मुकूटबन या मागार्चा वापर करून जास्तीचे भाडे मोजावे लागत असून नाहक फेरा सहन करावा लागत आहे. तरी या घाटाची थोडी उंची कमी करून रस्त्याचे रुंदीकरण करून परिसरातील लोकांचा त्रास होत आहे. सार्वजनिक बांधकाम विभागाने परिसरातील जनतेची समस्या लक्षात या घाटाची उंची कमी करण्यासाठी प्रयत्न करावे अशी मागणी केली जात आहे .
