उपसंपादक झरी (जामनी) ज्ञानेश्वर आवारी
[88059 79173]
झरी जमनी तालुक्यातील मांडवी येथे दिनांक 8 जानेवारी 2024 रोजी अक्षत कलशचे आगमन झाले काल दिनांक 9 जानेवारी 2024 रोजी सकाळी 8 वाजता मांडवी गावातील हनुमान मंदिरातील कलश घेऊन जिप्सीवर श्रीरामाचा फोटो सजवून गावभर कलश डोक्यावर घेऊन वाजत गाजत डफळे वाजवत व भजन करीत महिला, पुरूष व बालक सहित रामाचा जय जयकार करीत नारे लावीत गावभर मुख्य रस्त्याने मिरवणूक काढण्यात आली.
या रॅलीचे गावात ठिक ठिकाणी रांगोळी, पुष्प टाकून स्वागत करण्यात आले. हे अक्षत कलश हनुमान मंदिरात ठेवण्यात आले गावातील सर्व महिला या वेळी आरती घेऊन या अक्षत कलश यात्रेत सहभागी झाल्या, हनुमान मंदिरात ठेवून पाच आरत्या म्हणून रॅली विसर्जित करण्यात आली.22 जानेवारी 2024 रोजी अयोध्येत 500 वर्षानंतर प्रभु श्री रामलल्ला मूर्तीची प्राण प्रतिष्ठापना भारत देशाचे पंतप्रधान नरेंद्र मोदी यांच्या हस्ते होणार आहे.
त्या कार्यक्रमाचे निमंत्रण व अक्षत कलश उद्या दिनांक 10 जानेवारी 2024 पासून घरोघरी वाटप करण्यात येणार आहे.या अक्षत कलश मिरवणुकीत गावातील सर्व महिला,पुरुष व बालक उपस्थित राहुन मोठ्या संख्येने अक्षत कलश शोभायात्रेत सहभागी झाले .
