बातमी ऐका (Marathi Voice Reader)
नवनियुक्त पोलिस आयुक्त राकेश ओला यांनी मंगळवारी (दि. १६) दुपारी पदाची सुत्रे स्विकारली. त्यानंतर त्यांनी प्रसारमाध्यमांच्या प्रतिनिधींसोबत संवाद साधला. मनपा निवडणूक पारदर्शक पध्दतीने पार पाडणे, सर्वसामान्यांवर निवडणुकीदरम्यान कोणतेही दडपण यायला नको, यासाठी आवश्यक त्या उपाययोजना करण्यात येणार आहे. या सर्व कामासाठी आपल्याला एक महिना पुरेसा आहे, असे सीपी ओला यांनी सांगितले. दरम्यान मावळते पोलिस आयुक्त अरविंद चावरिया यांच्याकडून त्यांनी पदभार स्विकारला आहे. मनपा निवडणूकीसाठी पोलिसांच्या दृष्टीने तयारी करण्यासाठी केवळ एक महिन्याचा कालावधी आहे, त्यावर बोलताना पोलिस आयुक्त ओला म्हणाले एक महिना आम्हाला पुरेसा आहे. नागरिकांमध्ये पोलिसांप्रती विश्वास निर्माण करणे, गुन्हेगारांमध्ये भिती निर्माण करणे यासाठी प्रयत्न राहणार आहे. त्यासाठी गुन्हेगारांवर कारवाईचे सत्र सुरू करण्यात येणार आहे. शहर व आयुक्तालयाबाबतीत आता अधिकाऱ्यांकडून माहीती घेवून अभ्यास करण्यात येणार असल्याचे राकेश ओला यांनी सांगितले आहे. अवैध धंदे नेस्तनाबूत करणार शहराच्या हद्दीतील अवैध व्यवसाय सुरू असतील, ते पुर्णपणे नेस्तनाबूत करण्यात येणार आहे. त्यासाठी आमचे अधिकारी व कर्मचारी यांना सूचना देण्यात येणार आहे. आयुक्तालयाच्या हद्दीत कोणत्याही प्रकारचा अवैध व्यवसाय राहणार नाही,
