बातमी ऐका (Marathi Voice Reader)
या स्पर्धेत चांगल्या प्रकारे कौशल्य दाखवल्याबद्दल विजयी शाळेचे अभिनंदन करतो, खेळामध्ये हार जीत महत्वाची नसून खिलाडू वृत्तीने आपले क्रीडा कौशल्य दाखवणे आवश्यक असल्याचे प्रतिपादन, जिल्हा कबड्डी समन्वयक सुहास गुरव यांनी व्यक्त केले. ते जिल्हा परिषद, प्राथमिक शिक्षण विभाग, सोलापूर व पंचायत समिती शिक्षण विभाग, मंगळवेढा आयोजित प्राथमिक विभागाच्या जिल्हास्तरीय कबड्डी (मुली) स्पर्धेत पारितोषक वितरण प्रसंगी बोलत होते. या स्पर्धेचे उद्घाटन मंगळवेढा पंचायत समितीचे गटविकास अधिकारी यास्मिन शेख यांच्या हस्ते झाले. यावेळी गटशिक्षणाधिकारी दर्शन मेहता, विस्तार अधिकारी डॉ. बिभीषण रणदिवे, पुरुषोत्तम राठोड, समन्वयक श्याम सरगर उपस्थित होते. या स्पर्धेमध्ये सोलापूर जिल्ह्यातील लहान गटातील ११ संघ व मोठ्या गटातील ११ संघ या पद्धतीने एकूण २६४ खेळाडू व त्यांचे मार्गदर्शक शिक्षक व पालक उपस्थित होते. या स्पर्धेसाठी पंच म्हणून आर.एस वराडे, व्ही. पी. बिले, बी.टी बाबर, अमित जावळे, शिवकुमार स्वामी, पंडित पाटील, गुलाब मासाळ, समाधान बंडगर, शिवाजी बेलभंडारे यांनी उत्तमरीत्या पंच म्हणून काम पाहिले आहे. तसेच गुणलेखक व वेळाधिकारी हे काम काम सर्जेराव रुपनर, गंगाराम चव्हाण, सतीश रणदिवे, तानाजी सूर्यवंशी, सतीश लेंडवे यांनी गुणलेखक व वेळा अधिकाऱ्याचे काम यशस्वीरित्या बजावले. या सर्व खेळाडूंना अतिशय उत्तमरित्या भोजन व्यवस्था सागर कोळेकर यांनी केली होती. या स्पर्धा पार पाडण्यासाठी राजू रायबान,अमित भोरकडे ,रवींद्र लोकरे जवाहरलाल प्रशालेतील स्वयंसेवक व कर्मचारी खंडू कोकरे व सोमा माळी यांनी परिश्रम घेतले. या कार्यक्रमाचे सूत्रसंचालन राष्ट्रपती पारितोषिक विजेते दत्तात्रय येडवे गुरुजी यांनी केले, आभार एम.डी.काळुंगे यांनी मानले. मोठ्या गटाचा अंतिम निकाल जि.प.प्राथ.शाळा महिम (ता.सांगोला) – विजेता जि.प.प्राथ. शाळा पापरी (ता.मोहोळ) – उपविजेता जि.प. शाळा, मारोळी (ता. मंगळवेढा)- तृतीय Share with facebook
