बातमी ऐका (Marathi Voice Reader)
मुंबई–पुणे द्रुतगती मार्गावर झालेल्या गॅस टँकरच्या अपघाताने प्रशासकीय यंत्रणेच्या मर्यादा पुन्हा एकदा स्पष्ट केल्या आहेत. ३२ तास वाहतूक ठप्प झाल्याने हजारो प्रवासी महामार्गावर अडकले होते. या घटनेनंतर उपमुख्यमंत्री एकनाथ शिंदे यांनी महाराष्ट्र राज्य रस्ते विकास महामंडळाने आता “मिसिंग लिंक” प्रकल्पाचे काम युद्धपातळीवर पूर्ण करण्याचा निर्णय घेतला आहे. या प्रकल्पाचे काम आता शेवटच्या टप्प्यात आले असून आगामी १ मेपर्यंत हा मार्ग कार्यान्वित करण्याचे उद्दिष्ट प्रशासनाने ठेवले आहे. मुंबई-पुणे द्रुतगती मार्ग ९४ किमी लांबीचा असून तो ६ पदरी सिमेंट काँक्रीटचा आहे. शीळफाटा ते देहू रोडदरम्यानचा राष्ट्रीय महामार्ग क्र. ४ हा १११ किमी लांबीचा असून तो ४-पदरी डांबरी रस्ता आहे. मुंबई-पुणे द्रुतगती मार्ग आणि राष्ट्रीय महामार्ग क्रमांक ४ हे खंडाळा टोल प्लाझाजवळ एकत्र येतात आणि खंडाळा एक्झिटजवळ वेगळे होतात. सध्या खोपोली एक्झिट ते सिंहगड इन्स्टिट्यूटदरम्यानचा १९ किमीचा घाट विभाग वाहतुकीसाठी मोठे अडथळे निर्माण करतो. याच ठिकाणी मुंबई–पुणे द्रुतगती मार्गाचे ६ पदरी आणि राष्ट्रीय महामार्ग क्रमांक ४ चे ४ पदरी असा एकूण १० पदरी वाहनभार एका ६ पदरी रस्त्यावर येतो. दरडी कोसळणे, वेगातील तफावत आणि सततची वाहतूक कोंडीमुळे या पट्ट्यात अपघातांचे प्रमाण वाढले आहे. या प्रकल्पांतर्गत बांधण्यात येत असलेला बोगदा हा जगातील सर्वात रुंद (सुमारे २३ मीटर) बोगद्यांपैकी एक आहे. हा बोगदा ८ पदरी असून आधुनिक तंत्रज्ञानाचा वापर करून तो खोदण्यात आला आहे. बोगद्याचे खोदकाम आणि दोन्ही बाजूंचे व्हायाडक्ट जोडण्याचे काम वेगाने पूर्ण होत आले आहे. लोणावळ्याजवळ टायगर पॉइंटच्या खालून जाणारा हा मार्ग तांत्रिकदृष्ट्या अत्यंत आव्हानात्मक होता. प्रकल्प पूर्ण झाल्यावर लोणावळा आणि खंडाळा घाटातील धोकादायक वळणे आणि दरडी कोसळण्याची भीती कायमची दूर होईल. अभ्यास गट स्थापन गॅस टँकर गळतीमुळे झालेल्या घटनांमुळे भविष्यात अशा आपत्कालीन परिस्थिती अधिक प्रभावीपणे हाताळण्यासाठी महाराष्ट्र राज्य रस्ते विकास महामंडळाने विशेष आपत्कालीन वाहतूक आराखडा तयार करण्याचे काम सुरू केले आहे. आपत्कालीन प्रसंगांचे व्यवस्थापन अधिक चांगल्या पद्धतीने कसे करता येईल, त्यासाठी तज्ज्ञांचा अभ्यास गट स्थापन करण्यात येत आहे. मिसिंग लिंक प्रकल्पाचे काम प्रगतिपथावर असून, येत्या १ मेपर्यंत हा रस्ता कार्यान्वित करण्याचे उद्दिष्ट आहे. आबासाहेब नागरगोजे, सचिव बांधकाम काय आहेत फायदे
