विदर्भ एस.पी. न्यूज नेटवर्क डेस्क: वणी
वणी:तालुकास्तरीय शालेय क्रीडा स्पर्धेत जि. प. ऊ. प्रा. शाळा कायरच्या विद्यार्थ्यांनी उत्कृष्ट कामगिरी करत चॅम्पियनशिप पटकावली. विविध क्रीडा प्रकारांमध्ये सातत्यपूर्ण यश मिळवत शाळेच्या संघाने वणी तालुक्यात अव्वल स्थान मिळवले.
स्पर्धेतील यशाबद्दल आयोजित पारितोषिक वितरण समारंभात मान्यवरांच्या हस्ते विजेत्या संघाला आकर्षक चषक प्रदान करण्यात आला. या वेळी शिक्षकवृंद, पालक व ग्रामस्थ मोठ्या संख्येने उपस्थित होते. विद्यार्थ्यांनी मिळवलेल्या पदकांमुळे शाळेचा नावलौकिक वाढला असून परिसरातून त्यांचे कौतुक होत आहे.
या यशामागे विद्यार्थ्यांची मेहनत, क्रीडा शिक्षकांचे व शाळेच्या मुख्याध्यापकाचे ,शिक्षकाचे मार्गदर्शन तसेच शाळा व्यवस्थापनाचे सहकार्य महत्त्वाचे ठरले. विद्यार्थ्यांनी भविष्यात जिल्हास्तरीय व राज्यस्तरीय स्पर्धांमध्येही यश मिळवावे, अशी अपेक्षा मान्यवरांनी व्यक्त केली.चषक स्वीकारताना जि. प. ऊ. प्रा. शाळा कायरचा विजयी संघ व शिक्षकवृंद
