बातमी ऐका (Marathi Voice Reader)
पुण्याहून गुजरातच्या दिशेने जात असताना मुंबई-अहमदाबाद राष्ट्रीय महामार्गावर पालघर जिल्ह्यातील मनोरजवळ झालेल्या भीषण अपघातात आंतरराष्ट्रीय नेमबाज संभाजी शिवाजी पाटील (वय 27) यांचा जागीच मृत्यू झाला. मनोरजवळील दुर्वेश गावाच्या हद्दीत त्यांची भरधाव फॉर्च्युनर कार एका अवजड वाहनावर पाठीमागून आदळल्याने हा अपघात झाला. ही धडक इतकी भीषण होती की कारचा पुढचा भाग अक्षरशः चेंदामेंदा झाला. या दुर्घटनेत संभाजी पाटील यांनी प्राण गमावले असून, त्यांचा सहकारी यश प्रशांत चौधरी (वय 22) हा गंभीर जखमी झाला असून त्याच्यावर उपचार सुरू आहेत. पुण्याहून गुजरातच्या दिशेने जात असताना मुंबई-अहमदाबाद महामार्गावरील पालघर येथील दुर्वेश गावाच्या हद्दीत झालेल्या भीषण अपघातात आंतरराष्ट्रीय कीर्तीचे नेमबाज संभाजी पाटील यांचा जागीच मृत्यू झाला. सकाळी 10 वाजेच्या सुमारास त्यांचा मित्र प्रणय प्रशांत चौधरी याने आपली भरधाव कार दुसऱ्या मार्गिकेतून पहिल्या मार्गिकेत घेताना समोरच्या ‘हायवा’ ट्रकचा अंदाज न आल्याने ही जोरदार धडक बसली. या दुर्घटनेत संभाजी पाटील यांनी प्राण गमावले असून, कार चालक प्रणय चौधरी हा गंभीर जखमी झाला आहे. छत्रपती संभाजीनगरमध्ये होणार अंत्यसंस्कार अपघाताची माहिती मिळताच महामार्ग आणि मनोर पोलिसांनी तातडीने घटनास्थळी धाव घेतली, मात्र रुग्णालयात नेले असता आंतरराष्ट्रीय नेमबाज संभाजी पाटील यांना मृत घोषित करण्यात आले, तर जखमी प्रणय यांच्यावर सध्या उपचार सुरू आहेत. बालेवाडी क्रीडा संकुलात क्रीडा अधिकारी म्हणून कार्यरत असलेल्या पाटील यांच्या पार्थिवाचे शवविच्छेदन करून ते नातेवाईकांच्या स्वाधीन करण्यात आले आहे. मनोर पोलिसांनी दिलेल्या माहितीनुसार, त्यांच्या पार्थिवावर छत्रपती संभाजीनगर येथील त्यांच्या मूळ गावी अंत्यसंस्कार करण्यात येणार आहेत. गाडीचे फक्त चाकच उरली मुंबई-अहमदाबाद राष्ट्रीय महामार्गावरील पालघर जिल्ह्यातील मनोरजवळ झालेल्या एका भीषण अपघातात आंतरराष्ट्रीय नेमबाजपटू संभाजी पाटील यांचा दुर्दैवी मृत्यू झाल्याने क्रीडा विश्वातून मोठी हळहळ व्यक्त होत आहे. पुण्याहून गुजरातच्या दिशेने जात असताना दुर्वेश गावाच्या हद्दीत त्यांची भरधाव फॉर्च्युनर कार एका अवजड वाहनावर पाठीमागून जोराने धडकली. ही धडक इतकी भीषण होती की कारचे बोनेट आणि इंजिनचा भाग अक्षरशः चिरडला जाऊन पूर्णपणे नष्ट झाला असून, अपघातस्थळी केवळ कारचा मागील भाग आणि चाकेच शिल्लक उरल्याचे विदारक दृश्य पाहायला मिळाले.
