ब्रेकिंग न्यूज
⚡ News18 Marathi Headlines | 16 NOV | 9 AM | Maharashtra Politics | Fadnavis |Shinde | NCP| FDA ✦ ⚡ IND vs PAK : 1 बॉल 3 रन… टीम इंडियाने शेवटच्या बॉलवर नांग्या ठेचल्या; पाकिस्तानच्या पब्लिकचा रस्त्यावर हा… ✦ ⚡ देवदर्शनासाठी गेलं कुटुंब, घरी कोणीही नसल्याची साधली संधी, नाशिकमध्ये 12 लाखांची चोरी ✦ ⚡ मारेगाव तालुक्यात २ कोटी २२ लाखांच्या विकासकामांचा धडाका! ✦ ⚡ मारेगाव जिल्हा मध्यवर्ती बँकेत लक्ष्मीपूजन; नवनिर्वाचित संचालिका किरणताई देरकर यांचा सन्मान ✦ ⚡ IND vs NZ 5th ODI : टीम इंडिया 34-3… न्यूझीलंडमध्ये ROKO चा ‘एन्ड गेम’, ज्याची भीती होती तेच झालं! गंभीरन… ✦ ⚡ Pune Amit Shah: पुणेकरांनो लक्ष द्या! अमित शहांच्या दौऱ्यानिमित्त पुढील 2 दिवस वाहतुकीत मोठे बदल, कोणते मार… ✦ ⚡ पारंपरिक शेतीला आधुनिक तंत्रज्ञानाची जोड, डाळिंबाच्या बागेत केली वांग्याची शेती, 3 लाख रुपयांचा निव्वळ नफा,… ✦ ⚡ Karad: बँक मॅनेजरने राहत्या प्लॅटमध्ये संपवलं आयुष्य, ‘त्या’ चिठ्ठीनं खळबळ, कराडात काय घडलं? ✦ ⚡ पुण्याहून नागपूरला जाणाऱ्या बसवर काळाचा घाला, थेट पूलावरून खाली कोसळली गाडी, 21 हून अधिक प्रवासी बसमध्ये
SP News Maregaon

उपचाराच्या नावाखाली 10 दिवसांच्या बालिकेचा 3 लाखांत सौदा:गोंदियातील डॉक्टर फरार, भंडारा–गोंदिया आंतरजिल्हा रॅकेटचा पर्दाफाश

3 Views
🔊
बातमी ऐका (Marathi Voice Reader)


ज्या डॉक्टरांना समाजात देवाचे रूप मानले जाते, त्याच पेशाला काळिमा फासणारी एक धक्कादायक घटना भंडारा आणि गोंदिया जिल्ह्यात उघडकीस आली आहे. पोटच्या गोळ्यावर उपचार करण्याच्या बहाण्याने एका 10 दिवसांच्या चिमुकलीला चक्क 3 लाख रुपयांना विकल्याचा प्रकार समोर आला असून, या रॅकेटचा मुख्य सूत्रधार डॉ. नितेश बाजपेयी हा सध्या फरार आहे. ​गोंदिया येथील बालाजी हॉस्पिटलमध्ये एका गरीब दाम्पत्याने आपल्या 10 दिवसांच्या मुलीला उपचारासाठी दाखल केले होते. हीच संधी साधून डॉ. नितेश बाजपेयी याने ‘उपचाराचा खर्च खूप जास्त होईल’ अशी भीती पालकांना घातली. त्यानंतर, नागपूरच्या एका स्वयंसेवी संस्थेमार्फत मुलीवर मोफत उपचार करून देतो, असे खोटे आश्वासन देऊन त्याने बाळाला आपल्या ताब्यात घेतले. ​मात्र, या नराधम डॉक्टरने मुलीला उपचारासाठी न पाठवता, भंडाऱ्याच्या पांढराबोडी येथील एका महिलेला 3 लाख रुपयांत विकले. भंडाऱ्याच्या महिला व बालविकास विभागाला पांढराबोडी गावात एका महिलेकडे संशयास्पद रित्या 10 दिवसांचे बाळ असल्याची माहिती मिळाली. अधिकारी चौकशीसाठी पोहोचले असता संबंधित महिलेने पळ काढण्याचा प्रयत्न केला, ज्यामुळे संशय बळावला. पोलिसांनी तात्काळ कारवाई करत बाळाला ताब्यात घेतले आणि तपासाची चक्रे फिरवली असता या आंतरजिल्हा रॅकेटचा पर्दाफाश झाला. ​या प्रकरणी एकूण 5 जणांवर गुन्हा दाखल करण्यात आला असून एका महिलेला अटक करण्यात आली आहे. त्यात ​डॉ. नितेश बाजपेयी (मुख्य सूत्रधार, गोंदिया) – फरार, ​ललेश्वरी सादेपाच (गोंदिया) – अटक ​मालती वाघमारे (पांढराबोडी, भंडारा) – फरार, ​पौर्णिमा धुर्वे (गोंदिया) – फरार, उमेशसिंग गहलोत (गोंदिया) – फरार तपासात समोर आले की, 3 लाखांपैकी 1 लाख रुपये रोख आणि 1 लाखाचा धनादेश मध्यस्थीच्या खात्यात जमा झाला होता. उर्वरित 1 लाख रुपये 5 फेब्रुवारीला दिले जाणार होते. मोठे रॅकेट असण्याची शक्यता गरिबीचा फायदा घेऊन अशा प्रकारे नवजात बालकांची विक्री करणाऱ्या या रॅकेटमध्ये आणखी किती जणांचा समावेश आहे, याचा तपास भंडारा पोलिस करत आहेत. फरार डॉक्टर आणि इतर आरोपींच्या शोधासाठी पोलिसांची पथके रवाना झाली असून, या घटनेने संपूर्ण विदर्भात संतापाची लाट उसळली आहे.

ही बातमी शेअर करा
विदर्भ एस.पी. न्यूज नेटवर्क, मारेगाव विदर्भातील घडामोडींपासून राज्य, देश आणि जगभरातील ताज्या, अचूक व विश्वासार्ह बातम्या सर्वात आधी आपल्या भेटीला. ब्रेकिंग न्यूज, राजकारण, गुन्हे, सामाजिक, कृषी, शिक्षण, क्रीडा, मनोरंजन आणि विशेष रिपोर्ट्स एका क्लिकवर. सत्याला आवाज देणारे, जनतेचा विश्वास जपणारे आपले हक्काचे न्यूज पोर्टल – विदर्भ एस.पी. न्यूज नेटवर्क मारेगाव.
प्रतिक्रिया द्या
⚡ मारेगाव फ्लॅश व्हिडिओ पहा
↓ रिफ्रेश करण्यासाठी खाली ओढा
💬 चॅटवर शेअर करा 📢 स्टेटसवर शेअर करा
📱 नेटिव्ह शेअर