अडगावला १ कॉपीबहाद्दर पकडला‎:जिल्ह्यातील ८७ पैकी २२ केंद्र संवेदनशील; २६ हजार विद्यार्थ्यांनी दिला गणिताचा पेपर‎

माध्यमिक व उच्च माध्यमिक शिक्षण‎ मंडळाच्या वतीने घेण्यात येत‎असलेल्या बारावीच्या परीक्षेत ‎शनिवारी (दि.२१) गणिताचा पेपर ‎झाला. या परीक्षेला जिल्ह्यातील ‎एकूण २६८८७ विद्यार्थी प्रविष्ट झाले ‎आहेत. जिल्हाभरातील ८७ केंद्रांवर‎ बारावीची परीक्षा घेण्यात येत आहे.‎ यातील २२ केंद्र ही संवेदनशील‎ आहेत.‎ दरम्यान, गणिताच्या पेपरला ‎जिल्ह्यातील तेल्हारा तालुक्यातील‎ अडगाव (ब्रु.) येथील परीक्षा‎ केंद्रावर कॉपी करताना एक विद्यार्थी‎ सापडला. जिल्हा दक्षता पथकातील ‎जिल्हा शिक्षण व प्रशिक्षण संस्थेच्या‎ प्राचार्या रत्नमाला खडके यांनी‎ कॉपीबहाद्दर विद्यार्थ्याला‎ पकडल्याचे माध्यमिक व उच्च ‎माध्यमिक शिक्षण मंडळाच्या ‎सूत्रांकडून समजले. गणिताचा पेपर‎ असल्यामुळे काही अपवाद ‎सोडल्यास बहुतांश विद्यार्थी तणावात‎ होते. परीक्षा केंद्रावर विद्यार्थ्यांमध्ये ‎धाकधूक दिसून आली. कॉपीमुक्त‎ परीक्षेसाठी जिल्हाधिकाऱ्यांच्या‎ अध्यक्षतेखालील दक्षता समिती व‎ माध्यमिक शिक्षण विभाग विशेष‎ दक्षता बाळगत आहे. हुशार ‎विद्यार्थ्यांचे परीक्षेत नुकसान होऊ ‎नये, गुणवत्तेला चालना मिळावी,‎ यासाठी भरारी व बैठ्या पथकांची ‎तैनाती करण्यात आली आहे.‎ संवेदनशील केंद्रांवर बैठ्या ‎पथकांचा पहारा आहे तर भरारी‎ पथके अचानक केंद्रांवर पोहोचून तपासणी करत आहेत.‎ परीक्षा केंद्रांवर सीसीटीव्ही‎लावण्यात आले असून सीसीटीव्ही‎नसणाऱ्या परीक्षा केंद्रावरील‎पर्यवेक्षकांनी अदलाबदल करण्यात‎येत आहे. परीक्षा केंद्राबाहेर व‎आवारात पोलिसांचा बंदोबस्त आहे.‎त्यामुळे भयमुक्त व कॉमीमुक्त‎वातावरणात परीक्षा घेण्यात यश येत‎असल्याचे दिसून येत आहे.‎ दुपारी २ वाजता पेपर सुटल्यानंतर विद्यार्थी रिलॅक्स दिसून आले. यंदाचा गणिताचा पेपर खूप कठीण‎नव्हता, अशी प्रतिक्रिया काही विद्यार्थ्यांनी बोलताना दिली. काही विद्यार्थ्यांना सी सेक्शन कठीण‎वाटला तर काहींना डी सेक्शन अवघड होता, अशा प्रतिक्रिया विद्यार्थ्यांनी पेपर सुटल्यानंतर दिल्या.‎ गतवर्षीच्या तुलनेत पेपर सोपा‎ यावर्षीचा गणिताचा पेपर गतवर्षीच्या तुलनेत खूप सोपा‎होता. ग्रुप सी व ग्रुप डी मधील प्रश्न विद्यार्थ्यांना स्कोअर‎करण्यासाठी उपयुक्त दिसून आले. कॅल्क्युलस, भूमिती,‎बीजगणीत, प्रॉबॅबिलिटीवरील प्रश्नांची काठिण्य पातळी‎सामान्य होती. त्यामुळे विद्यार्थी गणितात यावर्षी चांगले‎गुण घेण्याची संधी दिसून येत आहे.‎