बातमी ऐका (Marathi Voice Reader)
Nanded Crime News : गेल्या काही महाराष्ट्रातील गुन्हेगारी मोठ्या प्रमाणात वाढली आहे. अशातच नांदेड सारख्या शहरात देखील गुन्हेगारांनी हातपाय पसरले आहे. नांदेडमध्ये गँगवॉरने डोकं वर काढलं असून याच टोळीयुद्धाच्या वादातून दुध डेरी परिसरातील एक पेट्रोल पंपावर एका तरुणाची हत्या झाल्याची धक्कादायक माहिती समोर आली आहे. इंद्रजीत सिंग बावरी असं हत्या झालेल्या व्यक्तीचे नाव आहे. त्यानंतर आता नांदेडमध्ये मोठी खळबळ उडाल्याचं पहायला मिळतंय.
खंजिराने वार करत पळ काढला
इंद्रजीत सिंग बावरी हा पेट्रोल पंपावर पेट्रोल भरत असताना तीन ते चार जणांनी त्याचा हल्ला करत खंजिराने वार करत पळ काढला. इंद्रजीत सिंग बावरी हा हिस्ट्री सीटर आहे, त्याच्यावर गुन्हे दाखल आहेत. त्यामुळं ही हत्या गॅंगवर मधूनच झाली असावी, असा अंदाज पोलीस सूत्रांनी वर्तवला आहे. आरोपी इंद्रजीतवर हल्ला करण्यासाठी दबा धरून बसले होते. त्यांनी इंद्रजीतचा पाठलाग केला अन् त्याच्यावर हल्ला चढवला. त्यानंतर आरोपी पेट्रोल पंपावरून फरार झाले.
CRIME : खुनाचा बदला खून? जेलमधून बाहेर आलेल्या 20 वर्षाच्या प्रतीक निर्घृणपणे हत्या, सिम्बायोसिस कॉलेजच्या मागच्या जंगलात काय घडलं?
दूध डेरी परिसरात मोठी खळबळ
दरम्यान, या घटनेची माहिती मिळतच पोलिस अधीक्षक नीलभ रोहन यांनी घटनास्थळी जात पाहणी केली. या प्रकरणात नांदेड ग्रामीण पोलिस स्टेशनमध्ये गुन्हा दाखल करण्याची प्रक्रिया सुरु आहे. या घटनेमुळं मात्र दूध डेरी परिसरात मोठी खळबळ उडाली आहे. दुसरीकडे शहरातील बाफना परिसरात एका अज्ञाताचा डोक्यात दगड घालून हत्या केल्याची देखील घटना समोर आली आहे.
डोक्यात दगड घालून अत्यंत निर्घृणपणे हत्या
मिळालेल्या माहितीनुसार, बाफना परिसरातील एका ऑटोमोबाईल्स दुकानासमोर 30 ते 35 वयोगटातील एका तरुणाचा मृतदेह शनिवारी सकाळी आढळून आला. अज्ञात हल्खोरांनी त्याच्या डोक्यात दगड घालून अत्यंत निर्घृणपणे हत्या केल्याचे उघडकीस आलं होतं. मृत तरुणाची अद्याप ओळख पटलेली नसून पोलिस त्याची माहिती मिळवत आहेत.
