ब्रेकिंग न्यूज
⚡ Pune News: दीर अन् सासूच निघाले ‘व्हिलन’; आधी पतीचं निधन, आता शिक्षिकेला लेकीच्या वाढदिवसादिवशी संपवलं, पुण… ✦ ⚡ रेल्वेत सावज हेरायची, प्रसाद म्हणून चिक्की द्यायची अन्… महिलेचं कांड पाहून सगळ्यांना धक्का, सोलापुरात मोठ… ✦ ⚡ मारेगाव–यवतमाळ महामार्गावर अज्ञात वाहनाची रोह्याला धडक! ✦ ⚡ घोडदरा शिवारात वाघाचे पगमार्क; शेतकऱ्यांमध्ये भीतीचे वातावरण! ✦ ⚡ ‘एचआयव्ही’ग्रस्त असल्यानं पत्नी सोडून गेली; पुण्यात चुलत्यानं अल्पवयीन पुतणीवरच केला अत्याचार, जामीन अर्जाव… ✦ ⚡ IND vs NZ : केएल राहुल 5 रनवर असताना मैदानात मोठा ड्रामा… हेन्रीला कॅप्टनने वेड्यात काढलं, पण पुढच्या 2 म… ✦ ⚡ MPSC गट-क परीक्षेसाठी जम्बो भरती, तुम्ही करताय तयारी? अनुभवी विद्यार्थ्यांनी दिले 5 सिक्रेट टिप्स! Video ✦ ⚡ CRIME : ‘आई कुणीतरी मला ब्लॅकमेल करतंय’, हरिश्चंद्रगडाच्या कोकणकड्यावरून 20 वर्षाच्या तरुणाचा संशयास्पद मृत… ✦ ⚡ Chandrapur News : चौकात मानवी कवटी, रुळाजवळ छिन्नविच्छिन्न मृतदेह; चंद्रपुरात खळबळ उडवणाऱ्या घटनेबाबत पोलि… ✦ ⚡ Chandrapur News : चौकात मानवी कवटी, रुळाजवळ छिन्नविच्छिन्न मृतदेह; चंद्रपुरात खळबळ उडवणाऱ्या घटनेबाबत पोलि…
SP News Maregaon

हिंगोलीत इंधन पुरवठा सुरळीत करण्याच्या मागणीसाठी काँग्रेसचे ठिय्या आंदोलन:इंदिरा गांधी पुतळ्यासमोर घोषणाबाजी

2 Views
🔊
बातमी ऐका (Marathi Voice Reader)


हिंगोली जिल्हयासह राज्यभरात इंधन पुरवठा सुरळीत करावा यासह इतर मागण्यांसाठी जिल्हा काँग्रेसच्या वतीने सोमवारी ता. २५ माजी पंतप्रधान इंदिरा गांधी यांच्या पुतळ्या समोर एक तास ठिय्या आंदोलन करण्यात आले. यावेळी शासनाच्या विरोधात घोषणाबाजी करण्यात आली आहे. इंधन पुरवठा सुरळीत न झाल्यास आगामी काळात तिव्र आंदोलन करण्याचा इशारा यावेळी देण्यात आला. हिंगोली येथील इंदिरा गांधी पुतळा परिसरात सकाळी आकरा वाजता आंदोलनास सुरवात झाली. यावेळी जिल्हाध्यक्ष डॉ. सतीष पाचपुते, प्रदेश पदाधिकारी महमद जकी कुरेशी, माजी जिल्हाध्यक्ष सुरेश सराफ, दत्तराव कदम, मिलींद उबाळे, डॉ. निळकंठ गडदे, अतुल नायक, डॉ. साहेबराव देवकते, नंदकुमार पाटील, ॲड. प्रदीप पोले, रवी कोकरे, भगवान खंदारे, शासन कांबळे यांच्यासह पदाधिकारी व कार्यकर्ते उपस्थित होते. राज्यात इंधन तुटवडा निर्माण झाल्याने शेतीची कामे ठप्प झाली असून पेरणीपुर्व मशागतीचे कामे न झाल्यास पेरणी कशी करावी असा प्रश्‍न शेतकऱ्यांसमोर उभा राहिला आहे. या शिवाय इंधन मिळत नसल्याने नागरीकांना वाहनाद्वारे प्रवास करणेही कठीण झाले आहे. केंद्र शासनाने तसेच राज्य शासनाचे चुकीचे धोरण यासाठी कारणीभूत असल्याचा आरोप करण्यात आला आहे. शासनाने वाहनांसाठी मुबलक इंधन उपलब्ध करून द्यावे तसेच वाहनांचे आरसी बुक दाखविल्यानंतर कॅन मध्ये इंधन देण्याची मागणी करण्यात आली. तसेच इंधन दरवाढ मागे घ्यावी अशी मागणी ही करण्यात आली या शिवाय बँकांकडून नाणे टंचाईचे कारण दाखवून पैसे देण्यास नकार दिला जात आहे. त्यामुळे बाजारपेठेतील व्यवहार ठप्प होत असून नागरीकांना स्वतःचे पैसे बँकेतून वेळेवर मिळत नसल्याने आर्थिक अडचणींचा सामना करावा लागत आहे. त्यामुळे नाणे टंचाई दुर करावी अशी मागणीही यावेळी करण्यात आली. यावेळी पदाधिकारी व कार्यकर्त्यांनी घोषणाबाजी केली. शासनाने इंधन व नाणे टंचाईचा प्रश्‍न तातडीने सोडवावा अन्यथा तिव्र आंदोलन करण्याचा इशारा देण्यात आला. सकाळी आकरा वाजता सुरु झालेले ठिय्या आंदोलन दुपारी बारा वाजता मागे घेण्यात आले.

ही बातमी शेअर करा
विदर्भ एस.पी. न्यूज नेटवर्क, मारेगाव विदर्भातील घडामोडींपासून राज्य, देश आणि जगभरातील ताज्या, अचूक व विश्वासार्ह बातम्या सर्वात आधी आपल्या भेटीला. ब्रेकिंग न्यूज, राजकारण, गुन्हे, सामाजिक, कृषी, शिक्षण, क्रीडा, मनोरंजन आणि विशेष रिपोर्ट्स एका क्लिकवर. सत्याला आवाज देणारे, जनतेचा विश्वास जपणारे आपले हक्काचे न्यूज पोर्टल – विदर्भ एस.पी. न्यूज नेटवर्क मारेगाव.
प्रतिक्रिया द्या
⚡ मारेगाव फ्लॅश व्हिडिओ पहा
↓ रिफ्रेश करण्यासाठी खाली ओढा
💬 चॅटवर शेअर करा 📢 स्टेटसवर शेअर करा
📱 नेटिव्ह शेअर