ब्रेकिंग न्यूज
⚡ तीन महिने इस्त्रीच्या दुकानात काम, सिग्नल मिळताच गोळीबार, राजेंद्र भिंगे खून प्रकरणात शॉकिंग खुलासा, पंढरपु… ✦ ⚡ तीन महिने इस्त्रीच्या दुकानात काम, सिग्नल मिळताच गोळीबार, राजेंद्र भिंगे खून प्रकरणात शॉकिंग खुलासा, पंढरपु… ✦ ⚡ तो वाघाकडे अन् वाघ त्याच्याकडे पाहतोय, दुचाकीस्वार आणि वाघ समोरासमोर, श्वास रोखून धरायला लावणारा Video ✦ ⚡ Pune News: दीर अन् सासूच निघाले ‘व्हिलन’; आधी पतीचं निधन, आता शिक्षिकेला लेकीच्या वाढदिवसादिवशी संपवलं, पुण… ✦ ⚡ रेल्वेत सावज हेरायची, प्रसाद म्हणून चिक्की द्यायची अन्… महिलेचं कांड पाहून सगळ्यांना धक्का, सोलापुरात मोठ… ✦ ⚡ मारेगाव–यवतमाळ महामार्गावर अज्ञात वाहनाची रोह्याला धडक! ✦ ⚡ घोडदरा शिवारात वाघाचे पगमार्क; शेतकऱ्यांमध्ये भीतीचे वातावरण! ✦ ⚡ ‘एचआयव्ही’ग्रस्त असल्यानं पत्नी सोडून गेली; पुण्यात चुलत्यानं अल्पवयीन पुतणीवरच केला अत्याचार, जामीन अर्जाव… ✦ ⚡ IND vs NZ : केएल राहुल 5 रनवर असताना मैदानात मोठा ड्रामा… हेन्रीला कॅप्टनने वेड्यात काढलं, पण पुढच्या 2 म… ✦ ⚡ MPSC गट-क परीक्षेसाठी जम्बो भरती, तुम्ही करताय तयारी? अनुभवी विद्यार्थ्यांनी दिले 5 सिक्रेट टिप्स! Video
SP News Maregaon

नाशिकच्या कश्यपी धरणामध्ये संगमनेर येथील दांपत्यासह 4 जणांचा बुडून मृत्यू:‘पप्पा-मम्मी’ म्हणत मुलगी पाण्याकडे बाेट दाखवत हाेती, तिला धावत जाऊन उचलले

2 Views
🔊
बातमी ऐका (Marathi Voice Reader)


नाशिक- हरसूल रस्त्यावरील कश्यपी धरणानजीक सुट्टीसाठी आलेले मखमलाबाद येथील सचिन कैलास ठोंबरे (३२), त्यांची गरोदर पत्नी रोहिणी ठोंबरे आणि त्यांच्यासोबत असलेली, शेजारी राहणारी दोन १६ व १४ वर्षीय मुले यांचा कश्यपी धरणात बुडून मृत्यू झाला. संगीता घाडगे या महिलेने पाण्याजवळ धावत जाऊन ठोंबरे यांच्या दोन वर्षाच्या मुलीला वाचवले. त्यानंतर या महिलेने आरडाओरड करून घटनेची माहिती धरणालगतच्या खाड्याची वाडी, धोंडेगाव येथील तरुणांना दिली. या घटनेत बुडालेली दोन मुले केतन अनिल पवार (१६) आणि कौशल्य अनिल पवार (१४) ही असून ती मानकर मळा येथे ठोंबरे कुटुंबियांच्या शेजारी राहात असल्याचे निष्पन्न होत असल्याचे सहायक पोलिस निरीक्षक जीवन बोरसे यांनी सांगितले. धरणालगतच्या गावात कुस्ती स्पर्धा सुरू होती. घटनेची माहिती मिळताच उपस्थित तरुणांनी थेट खोल पाण्यात उड्या घेऊन बुडणाऱ्या व्यक्तींचा शोध घेतला. तातडीने धाडसी पावले उचलल्याने ते सापडले, परंतु तोपर्यंत त्यांचा मृत्यू झाला होता. दोन वर्षांपासून नाशकात स्थायिक सचिन ठोंबरे हे सिव्हिल इंजिनिअर होते. ते संगमनेर तालुक्यातील ठोंबरे वस्ती, पिंपरणे येथील मूळचे रहिवासी होते. दोन वर्षांपूर्वी ते व्यवसायानिमित्त नाशिक येथील मखमलाबाद नाका परिसरात स्थायिक झाले होते. सुट्टीच्या दिवशी ते सहपरिवार कश्यपी धरणावर फिरण्यासाठी गेले. त्यावेळी ही दुर्घटना घडली. धाडसी महिलेमुळे ठोंबरेंची २ वर्षीय बालिका वाचली आम्ही धरणकाठावर उभे असताना लहान बाळ पाण्याकडे जाताना पाहिले. ही दोन वर्षांची लहान मुलगी रडत ‘मम्मी-पप्पां’कडे जाण्यासाठी पाण्याकडे बोट दाखवत असल्याचे लक्षात आले. मी पाण्याजवळ धावत जाऊन त्या लहान बाळाला उचलून घेतले. त्यानंतर शेजारील चपलांचे जोड पाहून एकाच कुटुंबातील व्यक्ती पाण्यात बुडाल्याचे लक्षात आले. लगेचच परिसरातील रहिवाशांना या घटनेची माहिती दिली. बुडालेल्यांचा शोध घेण्यासाठी तरुणांनी धरणात उड्या घेतल्या.

ही बातमी शेअर करा
विदर्भ एस.पी. न्यूज नेटवर्क, मारेगाव विदर्भातील घडामोडींपासून राज्य, देश आणि जगभरातील ताज्या, अचूक व विश्वासार्ह बातम्या सर्वात आधी आपल्या भेटीला. ब्रेकिंग न्यूज, राजकारण, गुन्हे, सामाजिक, कृषी, शिक्षण, क्रीडा, मनोरंजन आणि विशेष रिपोर्ट्स एका क्लिकवर. सत्याला आवाज देणारे, जनतेचा विश्वास जपणारे आपले हक्काचे न्यूज पोर्टल – विदर्भ एस.पी. न्यूज नेटवर्क मारेगाव.
प्रतिक्रिया द्या
⚡ मारेगाव फ्लॅश व्हिडिओ पहा
↓ रिफ्रेश करण्यासाठी खाली ओढा
💬 चॅटवर शेअर करा 📢 स्टेटसवर शेअर करा
📱 नेटिव्ह शेअर