बातमी ऐका (Marathi Voice Reader)
जळगाव महापालिका निवडणुकीत आणि शासकीय कामात लाभ मिळवण्यासाठी बनावट जन्मदाखले सादर केल्याचा खळबळजनक प्रकार समोर आला आहे. नगरसेवक जाकीर खान रसूल खान यांच्यावर बनावट कागदपत्रे तयार करून प्रशासनाची फसवणूक केल्याचा आरोप करत माजी उपमहापौर तथा प्रतिस्पर्धी उमेदवार कुलभूषण पाटील यांनी गुरुवारी याबाबत महापालिका आयुक्त आणि शहर पोलिस ठाण्यामध्ये तक्रार दाखल केली आहे. त्यात त्यांनी खान यांच्या दोन्ही मुलींच्या जन्मात 15 दिवसांचेच अंतर असल्याची कागदपत्रे जोडली आहे. तक्रारदार पाटील यांनी दिलेल्यातक्रारीनुसार 2026च्या महापालिकानिवडणुकीत प्रभाग क्रमांक 10‘ड”मधून जाकीर खान रसूल खानयांनी निवडणूक लढवली होती. या वेळी त्यांनी प्रतिज्ञापत्रात आपल्याला तीन अपत्ये असल्याचे नमूद केले होते; मात्र पाटील यांनी महापालिकेतून माहिती काढली असता धक्कादायक माहिती समोर आली. कागदपत्रांनुसार जाकीर खान यांना पाच अपत्य असल्याचे दिसून आले आहे. निवडणुकीसाठी अपत्यांची खरी संख्या लपवून खोटी माहिती दिल्याचा आणि महापालिकेच्या जन्म-मृत्यू विभागाची दिशाभूल करून बनावट दाखले मिळवल्याचा आरोप जाकीर खान यांच्यावर करण्यात आला आहे. चौकशी करून गुन्हा दाखल करण्याची मागणी त्यांनी केली आहे.
पंधरा दिवसांच्या अंतराने दोन मुली तक्रारदार कुलभूषण पाटील यांनी सादर केलेल्या पुराव्यांतसर्वात थक्क करणारी बाब म्हणजे दोन मुलींच्या जन्मातील अंतर हे होय. महापालिकेच्या रेकॉर्डनुसार केवळ 15 दिवसांचे आहे. पहिल्या अपत्याचा जन्म दिनांक 2/ 09/2000 (नोंदणी तारीख: 13/09/2000). दुसऱ्या अपत्याचा जन्म दिनांक 17/09/2000 चा दाखवण्यात आला आहे. त्याची नोंदणी तारीख 14/08/2007 आहे. पुढे काय? तक्रारदार यांनी महापालिका व पोलिसांकडे दिलेल्या तक्रारीवरून मनपाने चौकशी करून त्यात तथ्य आढळल्यास मनपा स्वत:च फसवणूक झाल्याची तक्रार दाखल करेल.महिनाभरात ही कार्यवाही न झाल्यास स्वत:तक्रारदार पाटील यांच्याकडून पोलिस तक्रार घेऊन गुन्हा दाखल करतील.
