बातमी ऐका (Marathi Voice Reader)
तिरंगी मालिकेतील पहिल्या सामन्यात ‘इंडिया ए’ संघाने ‘श्रीलंका ए’ संघासमोर २७८ धावांचे लक्ष्य ठेवले आहे. याला प्रत्युत्तर म्हणून श्रीलंकेच्या संघाने ८ षटकांत बिनबाद ५५ धावा केल्या आहेत. निरोशन डिकवेला आणि अविष्का फर्नांडो फलंदाजी करत असून, या जोडीने आधीच ५० धावांची भागीदारी पूर्ण केली आहे. मंगळवारी डंबुला येथे झालेल्या या सामन्यात भारतीय संघाने नाणेफेक जिंकून प्रथम फलंदाजी करण्याचा निर्णय घेतला आणि ५० षटकांत ६ गडी गमावून २७७ धावा केल्या. याला प्रत्युत्तर म्हणून श्रीलंका संघाने ४ षटकांत बिनबाद २२ धावा केल्या आहेत; सध्या निरोशन डिकवेला आणि अविष्का फर्नांडो फलंदाजी करत आहेत. ऋतुराज गायकवाडने १०१ धावांची शतकी खेळी केली, तर कर्णधार तिलक वर्माने ६० धावांचे योगदान दिले. आयपीएल २०२६ मधील सर्वाधिक धावा करणारा खेळाडू वैभव सूर्यवंशीला मात्र केवळ १४ धावा करता आल्या. श्रीलंका संघाकडून मोहम्मद शिराजने २ बळी घेतले. दोन्ही संघ इंडिया ए: वैभव सूर्यवंशी, प्रभसिमरन सिंग (यष्टीरक्षक), प्रियांश आर्य, ऋतुराज गायकवाड, तिलक वर्मा (कर्णधार), आयुष बदोनी, अनुकूल रॉय, सूर्यांश शेडगे, अंशुल कम्बोज, अरशद खान आणि विप्रज निगम. श्रीलंका ए: निरोशन डिकवेला (उपकर्णधार आणि यष्टीरक्षक), अविष्का फर्नांडो, नुवानिदु फर्नांडो, सदीरा समरविक्रमा (यष्टीरक्षक), सहान अराचिगे (कर्णधार), चमिका करुणारत्ने, रविन्दु फर्नांडो, वानुजा सहन, विजयकांत वियास्कंथ, मोहम्मद शिराज आणि गरुका संकेत.
