बातमी ऐका (Marathi Voice Reader)
तालुक्यातील तळेगाव येथील राहुल अशोक साबळे या तरुणाचा हृदयविकाराने मृत्यू झाल्यानंतर त्याचा मृतदेह शवविच्छेदनासाठी इगतपुरी ग्रामीण रुग्णालयात आणण्यात आला. मात्र, आवश्यक डॉक्टर व कर्मचारी उपलब्ध नसल्याने शवविच्छेदनाची प्रक्रिया तब्बल सहा तास रखडल्याने नातेवाईक आणि नागरिकांमध्ये संताप व्यक्त करण्यात आला. बुधवारी दुपारी सुमारे १२ वाजेपासून मृतदेह शवविच्छेदनाच्या प्रतीक्षेत होता. रुग्णालय प्रशासनाकडून डॉक्टर व कर्मचारी उपलब्ध नसल्याचे कारण सांगण्यात आले. अखेर शवविच्छेदन प्रक्रिया पूर्ण करण्यासाठी बाहेरील व्यक्तीची मदत घेण्यात आल्याची माहिती समोर आली. { उर्वरित पान. ४ ^ग्रामीण रुग्णालयात उपलब्ध मनुष्यबळातून शक्य त्या सर्व सेवा दिल्या जात आहेत. वैद्यकीय अधिकाऱ्यांच्या सेवावर्गाचा प्रश्न वरिष्ठ स्तरावर मांडला जाणार असून, शवविच्छेदनासाठी प्रशिक्षित कर्मचारीही लवकर उपलब्ध होईल . – डॉ. प्रदीप इंगोले, वैद्यकीय अधीक्षक, ग्रामीण रुग्णालय ^इगतपुरी ग्रामीण रुग्णालयात रुग्णांना वेळेवर व योग्य उपचार मिळत नाहीत. वैद्यकीय अधिकारी व कर्मचारी उपलब्ध नसल्याने गैरसोय होत आहे. या प्रकरणात मृतदेह ताब्यात मिळण्यासाठी सहा तास प्रतीक्षा करावी लागली. याबाबत आमदार हिरामण खोसकर व जिल्हा शल्यचिकित्सकांकडे तक्रार केली आहे. – महेश शिरोळे, सामाजिक कार्यकर्ते
