सत्तेची वाट:पाच निवडणुका लढले, दोन वेळा ठाकरे ब्रँडवर लोकसभेत; आता शिंदेंच्या वाटेवर

शिर्डीचे खासदार भाऊसाहेब वाकचौरे यांच्या शिंदे शिवसेनेतील प्रवेशाची चर्चा अंतिम टप्प्यात पोहोचली असताना त्यांच्या गेल्या १६ वर्षांच्या राजकीय प्रवासाकडे पुन्हा एकदा लक्ष वेधले जात आहे. विशेष म्हणजे, वाकचौरे यांनी आतापर्यंत पाच निवडणुका लढवल्या, त्यातील दोन्ही संसदीय विजय उद्धव ठाकरे यांच्या नेतृत्वाखालील शिवसेनेच्या छत्राखालीच मिळवले. आता ते एकनाथ शिंदे यांच्या नेतृत्वाखालील शिवसेनेत राजकीय नशीब आजमावण्याच्या तयारीत आहेत. वाकचौरे यांनी २००९ मध्ये अविभाजित शिवसेनेच्या तिकिटावर शिर्डी लोकसभा मतदारसंघातून निवडणूक लढवत ३ लाख ५९ हजार ९२१ मते मिळवून विजय संपादन केला. या निवडणुकीत ते जायंट किलर ठरले, त्यांनी रामदास आठवले यांचा पराभव करत संपूर्ण राज्याचे लक्ष स्वत:कडे वेधून घेतले. त्यानंतर २०२४ मध्ये उद्धव ठाकरे यांच्या शिवसेनेच्या (ठाकरे गट) तिकिटावर लढताना त्यांनी तब्बल ४ लाख ७६ हजार ९०० मते मिळवत दुसऱ्यांदा लोकसभेची वाट धरली. त्यांच्या राजकीय कारकिर्दीतील ही सर्वाधिक मतसंख्या ठरली. याउलट ठाकरे यांच्या उर्वरित पान ४ खा. वाकचौरे यांचा राजकीय प्रवास { शिवसेना (२००९) { काँग्रेस (२०१४) { भाजप (२०१४) { अपक्ष (२०१९) { शिवसेना (ठाकरे गट) (२०२४) { शिवसेना (शिंदे गट) वाटचाल (२०२६) डिपॉझिट जप्त झाल्यानंतरही उद्धव ठाकरेंकडून टिकीट २०१९ च्या लोकसभा निवडणुकीत अपक्ष उमेदवार म्हणून रिंगणात उतरलेल्या भाऊसाहेब वाकचौरेंना अवघी ३५ हजार ५२६ मते मिळाली होती. मतांची टक्केवारी कमी राहिल्याने त्यांचे डिपॉझिट जप्त झाले. एकेकाळी लाखो मतांचा जनाधार असलेल्या नेत्यासाठी हा मोठा राजकीय धक्का मानला गेला होता. मात्र, या पराभवानंतरही उद्धव ठाकरे यांनी २०२४ च्या लोकसभा निवडणुकीत त्यांच्यावर विश्वास दाखवत शिर्डी मतदारसंघाची उमेदवारी दिली आणि वाकचौरेंना तब्बल ४ लाख ७६ हजार ९०० मते मिळाली व दुसऱ्यांदा ते संसदेत पोहोचले. विशेष म्हणजे, २०१९ च्या तुलनेत त्यांच्या मतांमध्ये तब्बल ४ लाख ४१ हजार ३७४ मतांची वाढ झाल्याचे आकडेवारीवरून स्पष्ट होते.