कृष्ण तुळशी वृंदावन देवस्थान नवरगाव (धरण) येथील प्रसिद्ध यात्रा उत्सव 2022

मारेगांव तालुका प्रतिनिधी:- सुरेश पाचभाई
[9922862184]

सविस्तर वृत्त असे की..
मारेगाव तालुक्याच्या ठीकाणा पासुन जवळच असलेल्या नवरगांव (धरण)येथे प्रसिद्ध श्री तुळशी वृंदावन मंदिर आहे दरवर्षी प्रमाणे याही वर्षी महाशिवरात्री पासुन या ठीकाणी भव्य जत्रेचे आयोजन या वर्षी करण्यात येणार आहे
मागील गेल्या 2 वर्षा पासून कोरोना लाकडाऊन मुळे परिसरातील भाविक लोकांना या यात्रेचा आनंद घेता आला नाही पण या वर्षी देवस्थान समितीच्या दिलेल्या माहिती प्रमाणे यात्रेचा आनंद घेता येणार आहे.
श्री क्षेत्र तुळशी वृंदावन देवस्थान नवरगांव धरण रजिस्टर नंबर ए.392 द्वारा 1 मार्च ते 10 मार्च पर्यंत भव्य जत्रा उत्सवाचे आयोजन करण्यात आले असून नवरगांवच्या बाजूला नृसिंह मंदिर पुरातन [हेमाडपंथी] असुन असंख्य जुण्या दगडी कोरीव मुर्ती त्या मंदिरात आहे.
त्यास प्रमाणे गावाच्या मध्यभागी महादेवाचे मंदीर असुन गावापासुन सुमारे 1 कि.मी अंतरावर श्री तुळशी वृंदावन देवस्थान आहे या देवस्थानाचा ऊदय सुमारे सन 1949 साली महाशिवरात्री पासुन झाल्याचे सांगीतले जात असुन ही मारेगाव तालुक्यातील श्री ऋषि मुनिची तप भूमी असल्याचे मानले जाते देवस्थान परीसरात तिर्थक्षेत्र विकास निधी मधुन पिण्याच्या पाण्याची व्यवस्था,भव्य सभागृह,बगीच्याचे कंम्पाऊंड,पुर्ण परीसर विद्युतीकरन ,प्रशस्त निवास ,परीसराला संरक्षण भिंत,ईत्यादी विकास कामे झाले असुन दही हंडी माळा,पाकगृह,व कार्यालय,विश्राम गृह बांधकाम प्रस्तावित आहे या ठीकाणी दरवर्षी प्रमाणे याही वर्षी जत्रा महोत्सवाचे दिनांक 1 ते 10 मार्च पर्यंत आयोजन करण्यात आले असुन  1 मार्च रोजी घटस्थापना 7 मार्च रोजी दुपारी 1वाजता गोपाल काला व 10 मार्च रोजी पाखडपुजा व घट विसर्जन करण्यात येणार असल्याची माहीती देवस्थान कमेटीचे अध्यक्ष रमेश गाऊत्रे, उपाध्यक्ष आनंद वाळके ,सचिव विलास नक्षणे,विश्वस्त रमेश सोनुले, अरुण नक्षणे, अफजल खान पठाण, गणेश नैताम, नानाजी डाखरे, अरुण बोढाले, संजय मुन, यांनी दिली आहे…