अन्यथा तीव्र आंदोलनाचा तालुका भाजयुमोचा इशारा
तहसिलदार यांचे मार्फत मुख्यमंत्र्यांना निवेदन.
मारेगांव तालुका प्रतिनिधी:- सुरेश पाचभाई
[9922862184]
मारेगांव केंद्र सरकार कडुन पेट्रोल डिझेल वरील कर कमी करण्यात आल्यानंतर महाराष्ट्र सरकारकडून सुध्दा कर कमी करण्या संदर्भात घोषणा करण्यात आली, मात्र अजुनही महाराष्ट्र सरकारकडून कर कमी करण्यात आले नसल्याने कर तात्काळ कमी करा अन्यथा तीव्र स्वरुपाचे आंदोलन करण्यात येणार असल्याचा इशारा तालुका भारतीय जनता युवा मोर्चा अध्यक्ष गणेश झाडे यांच्या नेतृत्वात तहसिलदार मारेगाव यांचे मार्फत मुख्यमंत्र्यांना देण्यात आलेल्या निवेदनाद्वारे देण्यात आला.
केंद्र सरकार कडुन पेट्रोल डिझेल वरील कर कमी करण्यात आल्यानंतर सर्व सामान्यांना दिलासा मिळाला. त्यानंतर लगेचच महाराष्ट्र सरकारकडून सुध्दा कर कमी करण्यात येणार असल्याची घोषणा करण्यात आली. मात्र प्रत्यक्षात अजुनही कर कमी करण्यात आला नसल्याने पेट्रोल डिझेल वरील कर तात्काळ कमी करा अन्यथा तालुका भारतीय जनता युवा मोर्चाच्या वतीने तीव्र स्वरुपाचे आंदोलन करण्यात येईल अशा आशयाचे निवेदन तहसिलदार मारेगाव यांचे मार्फत मुख्यमंत्र्यांना देण्यात आले आहे.
यावेळी तालुका भारतीय जनता युवा मोर्चा अध्यक्ष गणेश झाडे, भा.ज यु. मो. जिल्हा सचिव प्रसाद ढवस, ता. सरचिटणीस गणेश खडसे, शहर अध्यक्ष अनुप महाकुलकर, ता. सचिव रविंद्र टोंगे, ता. सरचिटणीस विनोद ठावरी उपस्थित होते.
