आदिवासी विकास मंत्री विजय कुमार गावित यांच्या शुभहस्ते सोहळा संपन्न.
मारेगांव तालुका प्रतिनिधी:- सुरेश पाचभाई
[9922862184]
मारेगाव येथे शासकीय आदिवासी मुलींचे वस्तीगृह या इमारतीचे उद्घाटन आदिवासी विकास मंत्री विजयकुमार गावित यांच्या हस्ते संपन्न झाले.
याप्रसंगी आदिवासी विकास मंत्री यांनी आपल्या मनोगतातून शैक्षणिक क्षेत्रात विद्यार्थ्यांनी भरीव कामगिरी केली पाहिजे. अनेक योजना आहेत याचा फायदा घेतला पाहिजे. जिल्ह्याच्या ठिकाणी हजार मुलांचे आणि पाचशे मुलींचे वस्तीगृहाची मान्यता दिली आहे.
कला क्रीडा आणि स्पर्धा परीक्षा करिता समोर व्यवस्था केली जाईल. तसेच औद्योगिक प्रशिक्षणाकरिता वेगवेगळ्या सुविधा पुरविल्या जाईल. आदिवासी आश्रम शाळा सीबीएससी पॅटर्न मध्ये रूपांतरित करू. प्रशासकीय सेवेच्या शिक्षणाकरिता विविध अत्याधुनिक सुविधा पुरविल्या जाईल. आदिवासी विकास प्रकल्प कार्यालयाकडून या सर्व बाबींना निधी पुरवले जाईल.
शिक्षणापासून कोणीही वंचित राहणार नाही याची पालकांनी काळजी घ्यावी असा सुचक सल्ला सुद्धा या निमित्त त्यांनी दिला.आदिवासी मुलींचे वस्तीगृह उद्घाटन प्रसंगी आमदार संजीवरेड्डी बोदकुरवार, आमदार अशोक उईके, आदिवासी विकास आयुक्त सुरेश बनसोड, सहाय्यक जिल्हाधिकारी तथा आदिवासी विकास प्रकल्प अधिकारी याशनी नागराजन, उपविभागीय अधिकारी प्रकाश जावळे, तहसीलदार दीपक पुंडे, गृहपाल राहुल दातार, गृहपाल किशोरी बगळे यासह अधिकारी,कर्मचारी, विद्यार्थी, पालक उपस्थित होते.
