वेगांव शेत शिवारातील घटना.
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील वेगांव येथे काल दिनांक 29 जुलै 2022 राेज शुक्रवारला 1:30 वाजता दुपारच्या सुमारास वादळी वाऱ्यासह जोरदार पाऊसाने हजेरी लावली आणि अचानक वीजेचा कडकडाट सुरू झाला त्या मुळे शेतात डवरणीची काम बंद झाले काही वेळा साठी शेतकऱ्यांनी बैल गोठ्याच्या बाहेर बांधले होते.
पण पाऊसाला जोरात सुरूवात झाल्यामुळे शेतकऱ्यांनी बैल गोठ्यात बांधण्यास सुरूवात केली व एक बैल गोठ्यात बांधला दुसरा बैल गोठ्यात आणायला जायच्या आधीच बैलावर वीज कोसळली व एक बैल ठार झाला. सुदैवाने शेतकऱ्याला इजा झाली नाही. वेगांव येथील शेतकरी गाैरव राजु पांडे यांचे शेतात हि घटना घडली असुन शेतकऱ्याचे ऐन शेतीच्या हंगामात मोठे नुकसान झाले आहे.
तालुक्यामध्ये आधीच शेतकऱ्याला दुबार, तिबार पेरणीच्या संकटाचा सामना करावा लागला होता. त्या मुळे शेतकरी हवादिल झाला आहे.आणि तालुक्यात 25 दिवसांच्या सतच्या पाऊसाने शेताची मोठया प्रमाणात नुकसान झाली आहे. आणि त्या मध्ये हि नैसर्गिक आपत्तीत शेतकरी सापडला असुन ते हतबल झाले आहे. प्रशासना कडून आर्थिक मदत मिळावी अशी मागणी शेतकऱ्यांनी केली आहे.
