मनस्वि ठरली जगातील सर्वात लहान गिनीज वर्ल्ड रेकॉर्ड करणारी मुलगी.
विदर्भ एस पि न्युज नेटवर्क:- मारेगांव,
मारेगाव तालुक्यातील बोटोणी येथील पण सद्या कोंढवा बुद्रुक पुणे येथील रहिवासी मनस्वी विशाल पिंपरे वय वर्ष पाच वर्ष आठ महिन्याची असून ती गिनीज रेकॉर्ड करणारी जगातून पहिली ठरली आहे.
प्रशिक्षक विजय मलजी यांच्या लयबद्ध शिस्तीत व आई स्नेहा व वडील विशाल यांच्या अथक परिश्रमाच्या प्रयत्नातून हे यश संपादी त केले आहे.लिंबो स्केटिंग प्रकारच्या खेळात 25 मी लांब आणि अवघ्या 16.5 cm म्हणजे मोबाईलच्या उंचीच्या एवढ्या खालून मनस्वीने वैयक्तिक गिनीज रेकॉर्ड केले असून मनस्वी जगातील एकमेव मुलगी ठरली.
मनस्वीने अकरा वर्षांच्या मुलीचे आठ वर्षा पूर्वीचे रेकॉर्ड तोडले असून अवघ्या पाच वर्षाच्या वयात मनस्वीने विश्वविक्रम करून खेळ प्रकारात जगातील सर्वात लहान गिनीज रेकॉर्ड करणारी पहिली ठरली.मनस्वी सद्या कोंढवा बुद्रुक पुणे येथे वास्तवयास असून रॉक ऑन व्हील अकॉडमी मध्ये स्केटिंगचे धडे घेत असून प्रशिक्षक विजय मलजी यांच्या मार्गदर्शनात प्रशिक्षण घेत आहे.
मनस्वी शहरात असली तरी बोटोणी गावाशी मनस्वीची नाळ कायम जुळलेली आहे.मनस्वीचे वडील एका पायाने अपंग असून हिंमतीच्या जोरावर आपल्या मुलीला यशाच्या शिखरावर नेऊन पोहचविले हे एक पालक वर्गाला अभिमानाची बाब आहे. अपंग वडिलदेखील आपल्या पाल्याच्या भविष्यासाठी अपंगत्व भुलून जनू तो शरीराने तंदुरुस्त असल्याचे दाखवून मनस्वीचे मनोधैर्य वाढविताना पाहून अपंग नसल्याचे जाणवते.
मनस्वीने खेळण्या कुदण्याच्या वयात स्केटिंग खेळाची सुरुवात केली अवघ्या साडे तीन वर्षापासून स्केटिंग खेळाला सुरुवात करून तिने 74 सुवर्ण पदक 6 सिल्वर 6 ब्रांझ पदक 19 बुक ऑफ रेकॉर्ड तसेच जलतरण स्पर्ध्येत देखील रजत पदकाची मानकरी बनून अष्ठापैलू खेळाडू ठरली. यावर्षीचा शेर- ए हिंदुस्थान ‘किताबदेखील मिळाला आहे.दोन अडीच वर्षाच्या अथक परिश्रमाणे अनेक विक्रम आपल्या नावी करणाऱ्या मनस्वीचा जन्म जनू विक्रमासाठीच झाला आहे.गावास्तरावर मनस्वीचे अभिनंदन होत आहे.
