मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील एकाच दिवशी दोन आत्महत्या पहिली म्हैसदोडका तर दुसरी चोपण येथे सतच्या आत्महत्येने संपूर्ण तालुका हादरला आहे पण प्रशासणा कडून आत्महत्या रोखण्यासाठी कोणत्याच ठोस उपाय योजणा केल्या जात नाही.
चोपण येथील शेतकऱ्याने नापिकी आणि जीवनाला कंटाळलेल्या शेतकऱ्याने विषारी कीटकनाशक प्राशन करून स्वतःचे जीवन संपविले. ही घटणा दिनांक 25 ऑक्टोबर 2022 रोज मंगळवारला सायंकाळच्या 5 सुमारास घडली.
सचिन विठ्ठल ढोरे वय सुमारे 36 वर्षे असे आत्महत्या करणाऱ्या तरुण शेतकऱ्याचे नाव असून सचिन हा काही दिवसापासून चिंतेत होता अशी माहिती कुटुंबियांन कडून प्राप्त झाली आहे. त्याच्या नावाने 3 एकर शेती आहे. व तो आपल्या कुटुंबाचा उदरनिर्वाह शेतीवरच करत होता. पण यावर्षी पडलेला अती वृष्टी व ओला दुष्काळ आणि मागील काही वर्षांपासून होत असलेली सततच्या नापिकी यामुळे तो आणि कुटुंबीय कर्जाच्या खाईत लोटलेले होते.
अशातच आलेल्या नैराश्यातून सचिनने आत्महत्येसारखे टोकाचे पाऊल उचलले.सचिन हा घरून 4 वाजता सुमारास शेताकडे जायला निघाला.शेतात गेल्यानंतर त्याने शेतात फवारणीसाठी आणलेले मोनोसील नावाचे कीटकनाशक प्राशन केले आणि कानडा जंगलाजवळ असलेल्या शेताकडे गेला.
सायंकाळ झाली तरी तो घरी न आल्याने घरच्यांनी आणि शेजारी व मित्रमंडळींनी त्याचा शोधा शोध घेतला असता त्याचा थांगपत्ता लागला नाही.शेवटी मित्रानी मोबाईल लोकेशनच्या आधारे त्याचा शोध घेतला. तो कानडा जंगलामध्ये मृतावस्थेत पडलेला होता.
सचिनच्या पाठी मागे आई,वडील,पत्नी,एक मुलगा व एक मुलगी असा अप्तपरिवार आहे. या प्रकरणाचा पुढील तपास ठाणेदार राजेश पुरी यांच्या मार्गदर्शनाखाली जामदार सुरेंद्र टोंगे, विनेश राठोड करत आहे.
