बातमी ऐका (Marathi Voice Reader)
बीड: पोलीस भरतीची तयारी करणाऱ्या अल्पवयीन मुलीला पळवून नेल्याचा धक्कादायक प्रकार बीडमधून पुढे आला आहे. केज तालुक्यातील पोलीस अकादमी परिसरातून ही घटना घडली. मुलीचे वय 17 वर्षे 11 महिने असून या घटनेनं परिसरात खळबळ उडाली आहे.
नेमकं घडलं काय?
लातूर जिल्ह्याच्या एका गावातील मुलगी पोलीस भरतीची तयारी करत आहे. गेल्या अडीच महिन्यांपासून ती बरड फाटा येथील सह्याद्री अकॅडमीत पोलीस भरतीचा सराव करते. नागपंचमीचा सण असल्याने ती गावी गेली होती. 20 ऑगस्ट रोजी सकाळी 11.30 वाजता तिचे वडील दुचाकीवरून तिला घेऊन साळेगावपर्यंत आले. तिथून मुलगी रिक्षातून केजला आली आणि दुपारी 3 वाजेपर्यंत अकॅडमीपर्यंत गेली.
Solapur: 42 वर्षांची महिला अन् 27 वर्षांचा तरुण, इन्स्टावर जुळलं, तिनं नवऱ्याला सोडलं अन्…, सोलापूरच्या प्रकरणाचा भयंकर शेवट
गेटवरूनच मुलीला पळवलं
मुलगी अकॅडमीच्या गेटवर असतानाच तिला फूस लावून पळवून नेल्याचं सांगितलं जातंय. या प्रकरणी मुलीच्या वडिलांनी आकाश कोंडिंबा रोंगे (रा. मुरुड अकोला, ता लातूर) याच्यावर संशय व्यक्त केला आहे. वडिलांनी दिलेल्या तक्रारीवरून केज पोलिसांत आकाश रोंगे यांच्याविरोधात अपहरणाचा गुन्हा दाखल झाला आहे.
मुलीबाबत…
मुलीचा रंग गोरा असून तिची उंची पाच फूट पाच इंच आहे. तिच्या अंगात पिवळ्या रंगाचा पंजाबी ड्रेस असून पायात पांढऱ्या रंगाचा बूट आहे. पोलीस आरोपीच्या मागावर आहेत. याप्रकरणी पोलीस निरीक्षक राहुल सूर्यतळ यांच्या मार्गदर्शनाखाली सहाय्यक फोजदार बाबासाहेब बांगर हे पुढील तपास करीत आहेत.
