सुरेश पाचभाई मारेगांव:-मार्डी येथील आदर्श हायस्कूल मध्ये राष्ट्रीय विज्ञान दिवस साजरा करण्यात आला.तसेच यावेळी अपूर्व विज्ञान मेळावा घेण्यात आला.
यावेळी घेण्यात आलेल्या कार्यक्रमाच्या अध्यक्षस्थानी अनंता शिवरकर होते.तर प्रमुख पाहुणे म्हणून जगन भोंगळे,भास्कर राऊत,नीतू मेश्राम होत्या.यावेळी विद्यार्थ्यांनी डॉ.होमी भाभा,डॉ.ए.पी. जे.अब्दुल कलाम यांच्या जीवनावर प्रकाश टाकला.यात आलेना पठाण आणि मनीषा पाचपोर या विद्यार्थ्यांनी ए.पी.जे.अब्दुल कलाम यांच्या विषयी इंग्रजीमध्ये माहिती दिली.
कार्यक्रमाचे अध्यक्ष शिवरकर यांनी विज्ञानाचे महत्व सांगतांना विज्ञानाने काय प्रगती साध्य केली.ती प्रगती साध्य करीत असतांना मात्र आता विज्ञानाचे कसे दुरुपयोग केल्या जात आहे. हेही समजावून सांगितले.विज्ञानाने लावलेले शोध हा मानवी जीवनासाठी वरदायन ठरत आहे. काही शोध विद्यार्थ्यांना सामाजिक जीवनासोबत शैक्षणिक जीवनातही महत्वाचे ठरत आहे.अभ्यास सोपा झाला आहे. त्यामुळे विज्ञानाला आपल्या जीवनात फार मोठे मोलाचे स्थान आहे.जगन भोंगळे,भास्कर राऊत,नीतू मेश्राम यांनीही विद्यार्थ्यांना मार्गदर्शन केले.
यावेळी शाळेमध्ये विज्ञान प्रदर्शनी घेण्यात आली.यात विद्यार्थ्यांनी वेगवेगळे प्रयोग सादर करीत उपस्थितांची मने जिंकली.कार्यक्रमाचे संचालन मुस्कान पठाण हिने प्रास्ताविक सपना जिवतोडे हिने तर आभार आचल काळे हिने मानले.कार्यक्रमाला सर्व शिक्षक,विद्यार्थी,शिक्षकेत्तर कर्मचारी उपस्थित होते.
