करणवाडी फाट्याजवळ काल चक्काजाम आंदोलन करण्यात आले.
सुरेश पाचभाई मारेगांव: तालुक्यातील करणवाडी फाट्याजवळ काल शेतकऱ्यांची होत असलेली पिळवणूक थांबवून कापसाला प्रतिक्विंटल 10 हजार रुपये भाव देण्यात यावा या प्रमुख मागणीसाठी शिवसेना तालुका प्रमुख संजय आवारी यांच्या नेतृत्वात (ठाकरे गट) दिनांक 15 फेब्रुवारी 2023 रोज दुपारी 1 वाजताच्या सुमारास वणी-यवतमाळ राज्य महामार्गावरील करणवाडी फाट्याजवळ चक्काजाम करण्यात आले.
शिवसेनेने चक्काजाम करून शेतकऱ्यासंबंधीच्या विविध मागण्यांवर जोर धरत अखेर चक्काजाम आंदोलन करण्यात आले आहे.आणि तब्बल एक ते दीड तास चाललेल्या या चक्काजाम आंदोलनामुळे मात्र वाहन चालकांची चांगलीच तारांबळ उडाली होती व मोठ्या प्रमाणात वाहनांच्या रांगा लागल्या होत्या.
शिवसेना तालुका प्रमुख संजय आवारी यांच्या नेतृत्वात करण्यात आलेल्या या आंदोलनात अभय चौधरी, सुनील गेडाम, राजु मोरे, श्रीकांत सांबजवार, संजय लांबट, ता. यु. सेनाप्रमुख मयूर ठाकरे, मारुती नगराळे, शेखर राऊत, दिवाकर सातपुते,अनंता निब्रड,शरद ताजने, तुळशीराम दर्वे, गुरुदास घोटेकर, डॉक्टर मनीष मस्की यांसह मोठ्या संख्येने शिवसैनिक व शेतकर्यांनी सहभाग नोंदविला.
