सुरेश पाचभाई:- संपादक विदर्भ एस.पी.न्यूज नेटवर्क मारेगाव,
एका कॉलेजवयीन मुलीचे अश्लील फोटो फेसबुकवर अपलोड करून मुलीची बदनामी केल्याप्रकरणी संशयित आरोपीस अटक करण्यात आली आहे.अटक करण्यात आलेल्या संशयित आरोपीचे नाव अनिल लेतू आत्राम वय 28 असे असुन तो मारेगाव तालुक्यातील सुसरी येथील रहिवासी आहे.
वणी तालुक्यातील एका गावातील 22 वर्षीय युवती ही वणी तालुक्यातील एका कॉलेजमध्ये उच्च शिक्षण घेत आहे. या युवतीचे मागील दोन वर्षांपासून संशयित आरोपी अनिलसोबत प्रेम संबंध होते.अनिल हा तिच्या नात्यातीलच असल्याने या दोघांचे प्रेम बहरत गेले.अनेकवेळा मारेगाव येथील घोन्सा रोड लगत फॉरेस्ट आफिस जवळ असलेल्या झुडूपामध्ये यांचे शारीरिक संबंध देखील होत होते.
अशातच दोघांनी लग्नाच्या आणाभाका घेतल्या. “”प्रेमाला उपमा नाही “” असे म्हणतात तसे दोघेही वारंवार भेटत होते.दोघांचेही संबंध वाढत गेले.अशातच दोघांपैकी एकाच्या घरचा यांच्या लग्नाला विरोध असल्यामुळे आरोपीने लग्नासाठी नकार दिला.त्यामुळे या युवतीने त्याचा विचार मनातून काढून अभ्यासावर लक्ष केंद्रित केले.
अशातच पीडित युवती तिच्या हॉस्टेलला जात असतांना संशयित आरोपी अनिलने चाकूचा धाक दाखवून महत्वाचे बोलायचे आहे म्हणून तिला त्याच्या पल्सर मोटर सायकलवर बसवून मोहोर्लीच्या जंगलात नेऊन जबरदस्तीने शारीरिक संबंध केले.तसेच विवस्त्र अवस्थेत फोटो काढले. मांग भरून आपले लग्न झाले असे जबरदस्तीने बोलायला लावले आणि या सर्व घटणांचे फोटो शूट केले.
आणि वणी येथील टिळक चौक येथे आणून सोडून संशयित आरोपी निघून गेला.तसेच घरी व्हिडीओ कॉल करून विवस्त्र होण्यास सांगितले. या व्हिडीओचे स्क्रीन शॉट काढून फेसबुकवर स्टोरी ठेऊन व्हायरल केले असून यामुळे माझी बदनामी झाली असा आरोप करीत सदर युवतीने मारेगाव पोलीस ठाण्यात तक्रार दाखल केली.
यावरून मारेगाव पोलिसांनी तपासाची चक्रे फिरवीत पोलीस उपनिरीक्षक डॉ.ज्ञानेश्वर सावंत,राजू टेकाम यांनी आरोपीला हैद्राबाद येथून अटक केली असून त्यांचेवर कलम 354, (क )376 (2)(n ) तसेच सहकलम 66(e ) माहिती कायद्या अंतर्गत गुन्हा दाखल केला असून या प्रकरणाचा पुढील तपास ठाणेदार शंकर पांचाळ यांचे मार्गदर्शनाखाली पो.ना.अजय वाभीटकर करीत आहे.
